1 Tayta Dios, yarpäriy ari imano päsamashancunatapis.
2 Erensyäcunapis juc-lä nasyun runacunapa munaynillanchönami caycan.
3 Taytaynaj wacchanönami ricacushcäcuna.
4 Cananga quiquëcunapa yacöcunatapis rantiycämi.
5 Gaticacharcaycämanmi.
6 Micunäcunapäpis maquëta chojpacur mañacöcuna
7 Papänëcunami juchataga ruraran.
8 Cananga uywaycunapa maquinchömi caycäcuna.
9 Micuytapis tarëcuna wañuy caway ashir-rämi.
10 Cuerpöpis jurnunörämi rupariycan.
11 Sionchöpis, Judächo caj siudäcunachöpis,
12 Mandajnëcunataga maquipitami warcurcusha.
13 Mas callpayoj caj runacunatami churasha mulinucho agaj rumita tangananpaj.
14 Siudäman yaycuna puncucho auquincunapis manami cannachu.
15 Manami cushicuytapis tarënachu.
16 Corönäpis shicwacushami.
17 Chaypitami cananga shongu nanaywan gueshyaycäcuna.
18 Sión lömapis cananga caycan gotuy-gotuy juchushallami.
19 Gammi ichanga Tayta Dios imaycamapis mandaycanquipaj.
20 ¿Imanirtäshi para-simriga gongaycamänayqui caran?
21 Tayta Dios camacaycachiy yapay gamman cutimunäcunapaj.
22 Ichanga, gam Tayta nogacunata ricamaytapis manami munanquichu.