1 Nogaga fiyupami ñacashcä.
2 Paymi yanauyaycajman pushamaran.
3 Yaparir-yaparirmi imay örapis nogataga castigaycäman.
4 Garätapis aychätapis pasaypanami auquisyächisha.
5 Intëröpa curralta rurajnömi fiyupa ñacachimashpan llaquicaycächiman.
6 Wañojcuna pamparaycashan chacaychöno cawanäpämi cachaycamasha.
7 Maypapis mana llojshinäpämi curralman wichgarcamasha.
8 Yanapämänanpaj mañacur gaparaycaptëpis
9 Puricunätaga rumicunawanmi pergacurcusha.
10 Nogapäga Tayta Dios casha pacaraycaj ucumaryanömi;
11 Allipa aywaycajtami pantacächimasha.
12 Lëchanta sumaj chutarcurmi nogataga lëchanwan chayachimänanpaj apuntamasha.
13 Tayta Dios jitamushan lëchacunaga
14 Llapanmi marca-masëcunapis nogataga asipäman.
15 Tayta Diosga fiyupa llaquicuyllamanmi churamasha.
16 Guechga rumiwanmi quirötapis jorgusha.
17 Nogapäga manami cannachu alli goyayga.
18 Chayno cashpämi nishcä:
19 Yarpämi llaquicushäta, ñacashäta, japallä goyashätapis.
20 Chaycuna imano päsamashantapis yarpachacömi.
21 Ichanga imaypis shongöcho yarpaycäshämi.
22 Tayta Dios cuyacoj cashanga manami imaypis ushacanchu.
23 Alli caynenga waran-waranmi mushojyaycan.
24 Shongullächöga në: «Nogapäga Tayta Diosllami llapanpitapis mas alli.
25 Tayta Diosga fiyupa allimi payman yäracojcunapäga
26 Tayta Dios salbamänanchïpäga upällalla shuyaraymi mas alli.
27 Runapäga mas alli caycan mösu cashanpita-pacha ñacaycunata awantaymi.
28 Tayta Dios ñacachishan öra
29 Wiyacushpan pampaman uysuräcunman.
30 Pipis magaptenga cäranta witichipanman.
31 Tayta Diosga pitapis manami para-simriga gongaycunchu.
32 Ñacachishpanpis cuyapanmi.
33 Rasunpaga pay manami munanchu
34 Tayta Diosga manami munanchu prësu caycaj jäpacunata ñacachinanta.
35 Tayta Diosga manami munanchu pï runatapis manacajman churananta.
36 Tayta Diosga manami munanchu dimanducho juchayoj cajpa faburnin pipis cananta.
37 Tayta Dios mana camacächiptenga imapis manami cay pachacho canmanchu.
38 Allipis mana allipis chayamun janajcho caycaj Tayta Dios «chayno cachun» niptinmi.
39 Juchasapa cashanpita castigasha caycarga runa ¿imapitataj quijacunman?
40 Imano goyaycashanchïtapis sumaj yarpachacushun.
41 Syëlucho caycaj Tayta Diostaga
42 Nogacunaga gam nishayquita mana rurarmi juchata rurashcä.
43 Fiyupa rabyashpayquimi gaticachämashcanqui.
44 Nogacuna ruwacur mañacamushäta mana wiyanayquipämi pucutayman yagacuycurayqui.
45 Llapan runacunapa ñaupanchömi nogacunataga ganratano ricamashcanqui.
46 Llapan chiquimajcunapis nogacunapa contrallämi rimarcaycan.
47 Nogacunaga goyashcäpis mancharishallami.
48 Cuyashä siudäta illgaycächejta ricaptë weguëpis mayunörämi aywaycan.
49 Mana chawaypami wagaycä.
50 syëlucho caycaj Tayta Dios manaraj yanapämashancamaga.
51 Siudänëcho tiyaj jipashcuna ñacajta ricaptëmi
52 Achäquita mana ashipaycaptillämi
53 Cawaycajtami pösuman cacharpamasha.
54 Chaura yacuga ushajpämi ultacarcamaran.
55 Tayta Dios, pösupa rurincho caycashpämi gamta mañacamurä.
56 Mañacamushäta gamga wiyamashcanquimi.
57 Gayacamushäta wiyamashpayquimi yanapämarayqui.
58 Tayta Dios, gammi ima mana allipitapis chapämashcanqui.
59 Gamga ricaycanquimi imano mana alli ruramashantapis.
60 Gamga ricaycanquimi imata rurayta munaycämashantapis,
61 Tayta Dios, masqui wiyaycuy conträ imano rimarcaycashantapis,
62 Chiquimajcunaga nogapa contrallämi imay örapis rimarcaycan.
63 Masqui sumaj ricay.
64 Tayta Dios, paycunataga rurashanmanno castigaycuy.
65 Paycuna mana tantiyananpaj camacaycachiy.
66 Tayta Dios fiyupa rabyasha gaticachaycuy.