1 ¡Ojalä ñawëga pashtaj yacuno canman!
2 ¡Ojalä chunyajcho wasë canman chaycho tiyacunäpaj!
3 Tayta Diosga nin:
4 Amïgumanpis ama yäracuynachu.
5 Jucnin-jucninpis engañanacunmi.
6 ¡Yapay-yapay mana allicunata rurayllachömi carcaycan!
7 Chaymi munayniyoj Tayta Dios nin:
8 Paycunapaga rimashancunapis wañuchicoj lëchanörämi.
9 Chayno rurarcaycaptenga ¿imanirtaj mana castigämanchu?
10 Jircacunachöpis atayparämi wagashaj.
11 Tayta Dios nin:
12 ¿Imapitataj chay nasyun mana alli, chaquisha, chunyaj pipis mana purinan caycan? ¿Pitataj Tayta Dios willapasha chayta willacunanpaj? Imanir chayno päsashantapis musyananpaj ¿pitaj musyaj-yachaj caycan?
13 Tayta Diosmi cayno nin: «Llapanpis chaynöga päsasha laynëta Israelcuna mana cumlishanpitami, nishäcunata mana wiyacushanpitami.
14 Paycunaga llapanpis goyasha shongun yarpashannöllami. Nircur taytancuna yachachishannömi mana dios caycaptin manacajcunata ‹diosnë› nir adurasha.
15 Chaypitami micuynincunata ticrachishaj fiyupa ashgajman. Yacutapis bininashatami upuchishaj.
16 Taytancuna ni quiquincunapis mana rejsishan nasyuncunamanmi gargushaj. Paycunata gaticachächishaj sabliyojcunawan. Chauraga ni jucnayllapis manami cawaycäga quëdanganachu.»
17 Munayniyoj Tayta Diosmi nin:
18 Rasunpa juclla shamuchun.
19 Sionpita-pacha wiyacämun nanaywan cayno gaparpashanpis:
20 Tayta Dios nishanta sumaj wiyay warmicuna.
21 «Wasinchïcunaman wañuymi chayamusha.
22 Wañusha runacuna yänin mashtarpäcun uywacunapa iscanno.
23 Tayta Diosmi nin:
24 Ichanga pipis cushicuchun nogata rejsimashanpita, nishäta rurashanpita,
25 Tayta Diosmi nin: «Juc junaj castigashämi cuerpullancho señalacojcunataga. Castigashaj:
26 Egipto, Judá, Edom, Amón, Moab nasyun runacunata. Castigashaj chunyajcho tiyajcunatapis, sentïdunpa rutucojcunatapis. Llapan nasyun runacunami janan-shongulla cuerpun señalasha caycan. Israelcunapis conträtu rurashäta mana cumlishpanmi janan-shongulla señalacusha carcaycan.»