3 Gamcunaga alli cajllata ruray. Ñacachejcunapa maquincho ñacaycajcunata jorguy. Juc-lä runacunata, wacchacunata, ni biyüdacunatapis ama ñacachiychu. Cay partichöga alli runacunata ama wañuchiychu.
4 Canan niycashäta wiyacamaptiquega imaypis ray caycangami David jamarashancho jamaränanpaj. Chauraga palasyu puncupapis yaycurcaycangami carrëtancunawan, cawalluncuna muntashapis. Mandajcunapis llapan runacunapis gatirashpan yaycuycangami.
5 Canan willapashäcunata mana wiyacuptiquimi ichanga palasyuyquipis juchuchir-ushasha canga. Noga Tayta Diosmi chayno në.»
6 Judá runacunapa raynin jamarashan palasyupaj Tayta Diosga nin:
7 Nogaga pasaypa ushananpämi runacunata cachamushaj.
8 «Cay siudä ñaupanpaga achca nasyunpitami caminanticuna päsangapaj. Paycunami jucnin-jucninpis tapunaconga: ‹Tayta Diosga ¿imanir-raj chayno castigaycuran cay jatun siudäta?› nir.
9 Chaymi cayno nengapaj: ‹Chaynöga rurasha Tayta Diosninwan conträtuta rurar parlacushanta mana cumlishanpitami. Mana cumlirmi juc dioscunatana aduraran› nir.»
12 Payga wañongapaj prësu apar chayachishan nasyunllachönami. Cay nasyuntaga manami imaypis ricanganachu» nir.
13 «¡Ay imanöraj canqui fiyu cayniquiwan mana allita rurashpayqui
14 Gamga ninqui: ‹Palasyöta jatuncaraytami aruchej-aywä.
15 ¿Ray carga sedru wasicunacho goyäna cashantachu yarpanqui?
16 Wacchacunapapis, ñacajcunapapis faburninmi caran.
17 Gam ichanga yarpachacuycanqui mana allita ruraypa imatapis charayllata.
18 Chaypitami Josiaspa wamran Judäpa raynin JoacimpajTayta Dios cayno nin:
19 Jerusalenpita garachacarcärir jorgurcurmi jitariycärengapaj.
20 «Judá runacuna, yanapäshunayquipaj nasyun runacunaga llapannami ushacasha.
21 Alli goyaycashayqui wichallannami nogaga willaparä.
22 Mandajniquicunataga wayranömi wacpa-caypa apaconga.
23 Canan gamga, sedrupita rurasha wasichömi tiyaycanqui.
24 Joacimpa wamran Judäpa raynin JeconiaspajTayta Dios caynömi nin: «Gam ima papilmanpis sëllunäpaj derëchu caj maquëcho jatiraycashä surtïjäno captiquipis dëdöpita jorgurirmi gamtaga rasunpa jitarishayqui.
25 Gamtaga fiyupa manchacuycashayqui wañuchicoj contrayquicunapa maquinmanmi cachaycushayqui. Gamtaga cachaycushayquipaj Babiloniapa raynin Nabucodonosorpa maquinman y chay nasyun runacunapa maquinmanmi.
26 Gamtaga mamayquitawanmi jitarishayquipaj mana yurishayqui juc-lä nasyunman. Chayllachönami ishcaniquipis wañunquipaj.
27 Chaura yurishayqui nasyunmanga manami cutimunquipänachu may-jina cutimuyta munarpis.»
28 Jeconiasga ¿mana sirbej cañalla paquichu?
29 ¡Cay pachacho caycaj runacuna
30 Tayta Dios nin: «Cay runaga fiyupa mana allimanmi chayasha.