1 Acrashan runacunata Tayta Dios cayno nin:
2 Wamrayquicuna manami gonganchu
3 Altu puntacunachömi camacächishaj
4 Partisyun goycushä nasyuntapis cachaycärinquipämi.
5 Tayta Dios nin:
6 Chay runaga chunyajcho wiñamoj jachanömi canga.
7 «Nogallaman yäracamoj runami ichanga bindisyunta chasquenga.
8 Chay runaga cangapaj mayu cantunman yörata lantaycusha
9 «Runapa shongonga fiyupa mana tantiyaypämi.
10 Nogami ichanga llapanpa shongun
11 Engañayllapa rïcuyaj runaga caycan chacwa jucpa runtunta ogllajnömi.
12 Tayta Dios, tiyashayqui Temploga fiyupa rispitädumi.
13 Gamllami canqui Israelcuna yäracunanga.
14 Tayta Dios, gamllatami rispitar alabä.
15 Runacunaga niman: «¿Imaytaj Tayta Dios willacachishancuna cumlenga?
16 Chayno niycämaptinpis nogaga manami mañacamurächu castiganayquipaj.
17 Chaymi Tayta Dios ama camacächiychu noga manchacunätaga.
18 Nogata gaticachämajcunata ichanga pengayman churay.
19 Tayta Dios nimaran: «Jeremías, Judäpa raynincuna yaycushan llojshishan puncuman ayway. Nircur chaycho willacuy. Y chaycho willacushayquinölla Jerusalenman yaycuna waquin puncucunachöpis willacuy.
20 Cayno willacunqui: ‹Judäpa raynincuna, Judá runacuna, Jerusalencho tiyaj runacuna Tayta Dios nishanta sumaj wiyay-llapa.
21 Tayta Diosmi cayno nin: Säbadu jamay-junajchöga ama ima guepitapis apaychu. Ni imatapis ama yaycachiychu Jerusalén puncupaga.
22 Säbadu jamay junajchöga wasiquicunapitapis ama ima guepitapis jorguychu. Chay junajchöga ima aruytapis ama aruychu. Säbadu jamay junajchöga unay awiluyquicunata nishäno nogata rispitamashpayqui jamay.
23 Awiluyquicunaga willapaycaptëpis manami wiyacuranchu. Noga nishäta ruraytaga upanömi mana munaranchu. Piñacushätapis manami wiyacuranchu.
24 « ‹Nishäta rasunpa wiyacuy. Säbadu jamay junajchöga siudäman maygan puncupapis ima guepitapis ama yaycachiychu. Chay junäga ama arunquichu. Cachun nogata aduramänayquipaj acrasha junaj.
25 Chayno gamcuna rispitamaptiquega ray David jamarashancho jamaränanpäpis ray caycangami. Chaura cay siudäpa puncuncunapa rayga yaycuycangami carrëtancunawan, cawalluncuna muntasha, llapan autoridänincuna, Judá runacuna, Jerusalén runacunapis gatiraptin. Jerusalenchöpis imaycamapis runacuna tiyaycangami.
26 Chaymanmi shamongapaj Judá nasyuncho caycaj siudäcunapita, Jerusalenpa läduncunapita, Benjamín trïbu tiyashanpita, aypalla puntayoj caycashan partipita, Néguev partipitapis. Paycunaga Templuman apamongapaj uywancunata rupachinanpaj, chaqui micuy ofrendacunatapis. Insinsuntapis apamonga. Agradësicamashpanpis ofrendancunata apamonga.
27 Noga nishäta gamcuna mana wiyacushpayqui säbadu jamay junaj mana jamaptiqui, Jerusalenpa puncuncunapa ima guepitapis mana yaycuchinanpaj nishätapis mana wiyacuptiqui ichanga siudäpa puncuncunaman ninata sindipaycushaj. Chaymi Jerusalencho caycaj palasyucunata rupar ushacurcongapaj. Chaytaga manami pipis upichengapächu.› »