1 Chayno niptin Naamat partipita Zofar jutiyoj runa niran:
2 «Manacajcunata rimaycajtaga ¿pillapis manachuraj upällachinman?
3 ¿Chay-jina rimashayquiwanchu nogacunata upällachimayta yarpanqui?
4 ‹Allitami yarpaycä› niycanqui.
5 ¡Ima alliraj canman Tayta Dios llapanta musyachishuptiqui!
6 Payga tantiyachishunquimanmi imano yachay cashantapis.
7 «¿Tayta Dioslla musyashancunata gampis musyanquimanchuraj?
8 Chaycunaga syëlupitapis mas janajchömi.
9 Tayta Diospa yarpaynenga cay pachapitapis mas jatunmi,
10 Tayta Dios shamur, prësu aparcur jusgaptin
11 Payga musyanmi pï llulla cashantapis.
12 Imay junajmi runata bürru wachanga,
13 «Llapantapis allillatana ruray.
14 Aypalla juchata aparicusha cashpayquega juchayquita cachaycuyna.
15 Chaymi manana pengacunquipänachu.
16 Imano ñacashayquitapis gongaycunquipänami.
17 Gampäga las-dösinörämi pachapis achicyacäconga.
18 Tayta Dios ricashuptiquimi payman yäracur jauca puñunquipaj.
19 Puñuptiquipis manami imapis manchachishunquipänachu.
20 Fiyucunami ichanga ashirpis mana tarengachu.