1 «Juc runami Edomcho caycaj Bosra siudäpita aywaycämun.
2 «¿Imanirtaj röpayquega übasta bïnupaj lluchcajta pillchipashano puca caycan?»
3 «Japallämi übasta lluchcajno conträcunata ushashcä.
4 Nogaga maynami yarpaycarä juc junaj llapanpita jusganäpaj.
5 Ricachacurishpä manami pitapis ricarächu yanapämänanpaj shamojta.
6 Fiyupa rabyasha cashpämi nasyuncunataga llapirishcä.
7 Nogaga Tayta Dios cuyapäcoj cashantami parlayta munä.
8 Tayta Diosga niran: «Paycunaga acrashä runacunami.
9 Llapan ñacaycunapitami runacunataga salbaran.
10 Chaypis paycunaga Tayta Diospa contranmi ricacuran.
11 Chayrämi paycunaga yarpäriran unay watacunacho imano cashantapis,
12 ¿Maychötaj caycan fiyupa munayninwan Moisesta yan'gaj?
13 ¿Maytaj acrashancunata lamarpa päsachej?
14 Uywacuna guechwa pampaman chayaycur alli guewacho cushicushannömi
15 Tayta Dios, fiyupa rispitädu particho tiyaycashayqui syëlupita-pacha ricäramuy ari.
16 ¡Gammi canqui nogacunapa papänë!
17 Tayta Dios, ¿imanirtaj camacächishcanqui munashayquita ruraycashäpita gongaycärinäpäga?
18 ¡Acrashayqui runacunaga goycushayqui nasyuncho wallca watallami tiyasha!
19 Chaymi nogacunaga caycä imaypis mana mandashayqui nasyun runacunanöna,