1 Sión, ricchayna ari.
2 Jatariy Jerusalén.
3 Tayta Diosga caynömi nin: «Uywayno canayquipaj juc-lä nasyunman gamcunata prësu apashuptiqui manami ima pägatapis chasquishcächu. Chaymi canan gamcunata jorgamushpäpis mana ni imatapis pägashächu.
4 Unayga acrashä runacuna Egiptumanmi aywacuran. Chaychöna uyway cashpan ñacar tiyaran. Guepataga imatapis mana rimapaycaptinmi Asiria runacunana ñacachisha.
5 Cananga ¿imatanataj ricä? Imatapis mana rimapaycaptillanmi acrashä runacunataga Babiloniaman apacusha. Munaynincho chararajcunaga alli-tucushpanmi asipan. Nogatapis fiyupanami rabyaycächiman.
6 Chaymi juc junäga acrashä runacuna ricanga munaynëwan imano rurashätapis. Musyanga ‹caychömi caycä› nir paycunata willapashäta.»
7 Alli willacuyta apamushpan jircacunapa shamojta ricarga
8 ¡Wiyay-llapa! Ricachacojniquicunaga sinchipami gaparpan.
9 ¡Jerusalenpa juchusha caycaj pergacuna cushicushpayqui llapayqui gaparpay!
10 Llapan nasyun runacunapa ricay ñawinchömi
11 Chay Babiloniapita llojshicuyna-llapa.
12 Ichanga manami apuräduchu llojshicunquipaj.
13 Sirbejninpaj Tayta Diosga caynömi nisha:
14 Paypa cäran imano caycajtapis ricar achcajmi fiyupa manchacuran.
15 Achca nasyun runacunami fiyupa almirasha ricacongapaj.