1 Cananmi ichanga Jacobpita mirar aywaj Israelcuna,
2 Mayucunata chimpaptiquipis nogaga gamcunawanmi caycäshäpaj.
3 Nogami cä gamcunapa Tayta Diosniqui, salbashojniqui.
4 Nogaga gamcunata charänäpaj y mana wañunayquipämi
5 Ama manchacuychu. Nogaga gamcunawanmi caycä.
6 Norte caj-lä nasyun runacunatapis ‹Cutichimuy› nishämi.
7 Nogata rispitamaj cajtaga
8 «Acrashä runacunataga apamuy ari.
9 Llapan nasyun runacuna shuntacay.
10 Tayta Diosga caynömi nin:
11 Nogallami Tayta Diosga cä.
12 Nogaga salbanäpaj cashantami willacachirä.
13 Imaypitapis nogallami Diosga cä.
14 Israelcunata salbaj Santo Tayta Diosmi nin:
15 Nogami Santo Tayta Diosniqui cä.
16 Lamar chaupinpami nogaga juc nänita rurarirä.
17 Conträcunaga aypalla munayniyoj suldärucunawanmi gatimaran.
18 Cananga acrashä runacunata noga në:
19 Cananga mushojtanami ruraj-aywä.
20 Chauraga jirca-allgucunapis, avestruz äbicunapis agradësicamangami.
21 Chay runacunataga quiquëpämi rurarä.
22 «Chaypis gamcunaga Jacobpita mirar aywaj Israelcuna manami alabamashcanquichu.
23 Nogapaj uyshacunata rupachinayquipaj manami apamushcanquichu.
24 Nogapaj ofrendata apapämänayquipaj manami alli asyajcunata rantishcanquichu.
25 «Chaypis nogaga Diosniqui cashpämi conträ rurashayquicunata gongaycöna.
26 ¿Imallaga canchuraj gamcuna allita rurashayqui?
27 Unay rimir-punta caj awiluyquipis juchatami ruraran.
28 Mandashojniquicunapis Templöta ganrachisha.