1 Tayta Diosmi cayno nin:
2 Llapanta binsircur alli llojshej raytaga
3 ¿Pitaj camacächisha chay ray mana manchacuypa gaticachänanpaj;
4 ¿Pitaj chaycunataga rurasha?
5 Lamarcho caycaj nasyuncunacho tiyaj runacuna chay raytaga ricashami.
6 Chaymi fyërruta tacay yachajcunaga aroj-masinwan shacyächinacun.
7 Ïduluta ruräga guellay tacajta shacyächin.
8 Tayta Diosga mastapis niran:
9 May carupitashi nogaga jorgamushcä.
10 Ama manchacuychu. Nogaga gamcunawanmi caycä.
11 «Chiquishojcunaga llapanmi pengaypaj manacajman churasha cangapaj.
12 Contrayqui cajcunataga ashirpis manami tarinquipänachu.
13 Noga Tayta Diosniquimi gamcunataga maquipita chariraycä.
14 Jacobpita mirar aywaj Israelcuna, curunölla cashpayquipis ama manchacuychu.
15 Gamcunataga mushoj alli quiruyoj rïguta ëracunamannömi ticrachishayqui.
16 Paycunaga wayra apacuptin illgashannömi ushacangapaj.
17 «Imanpis mana caj pobricunaga yacuta ashirpis manami tarinchu.
18 Yacu mana cashan jircacunachömi mayucunatapis yurichishaj.
19 Chunyaj chaqui jircachönami guerucunata wiñachimushaj:
20 Chaura intërucho tiyaj runacunami ricashpan tantiyaconga
21 Jacobpita mirajcunapa raynin Tayta Diosmi cayno nin:
22 Ñaupa caj watacunacho imano ima cashantapis tantiyachimächun.
23 Mä willamächun chaypitaga imana cananpaj cashantapis.
24 Ichanga chay ‹diosnë› nishayquicuna manami ima ruraytapis camäpacunchu.
25 «Inti yagamunan caj-lächömi juc runata yurichishcä.
26 ¿Pitaj chayno cananpäga unayna musyachisha?
27 Nogami gallarinanpita-pachapis Sión runacunamanga willacachirä.
28 Ricachacushpä, manami ricächu maygan dioscunapis yurimojta.
29 ¡Chay dioscunaga mayganpis manami imapischu!