1 Llapaniqui shamuy wiyanayquipaj.
2 Tayta Diosga nasyuncunapaj rabyashami caycan.
3 Wañojcunatapis manami pipis shuntangachu.
4 Syëlupis llapan chaycho caycajcunapis papil cauchucajnömi pitucäconga.
5 Rasunpami Tayta Diospa sablenga syëlucho yurenga.
6 Edomchömi fiyupa wañuchinacuy canga.
7 Chay runacunawan iwalmi wañongapaj chucaru wäcapis,
8 Chayno canga chay junaj Tayta Dios ayñita cutichiptinmi.
9 Edom nasyuncho caj ragracunapaga breyana aywanga.
10 Chacaypa ni junajpapis manami upengapänachu.
11 Chaychöga tiyangapaj pillyaj jutiyoj äbicunawan chushyajcunallami.
12 Yapayga mananami raynin cangapänachu.
13 Palasyucunachöpis cashallanami wiñamonga.
14 Oshgu mishicunawan jirca allgucunallanami tiyanga.
15 Chaycho tucu gueshwanta ruranga.
16 Masqui Tayta Diospa librunta ricay. Masqui liguiy.
17 Cada-ünuntami maycho goyänanpäpis camaripasha.