1 ¡Ricay-llapa!
2 Chaynöpis manami canganachu
3 mandaj capitancuna, mas rispitädu runacuna,
4 Nircorga mana yachaj wamracunallatanami mandajnin cananpaj churapanga.
5 Chaura runacunaga rimanacullarnami goyangapaj.
6 Chayno captinnami juc runaga papäninpa wasincho wauguinta nenga:
7 Chaura wauguenga nengapaj:
8 Rasunpami Jerusalenga juchonga.
9 Juchata rurashancunaga alayrimi musyacaycan.
10 Alli runacunatami ichanga ima rurashallanpis alli llojshipanga.
11 ¡Ay imanöraj canga juchasapacuna!
12 Marca-masëcuna, wamracunallami llutanta ruraycächishunqui.
13 Tayta Diosga acrashan runacunata dimandananpänami caycan.
14 Tayta Diosmi arriglananpaj gayachishpan
15 ¿Imanirtaj chaynöga acrashä runacunata ñacaycächinqui?
16 Mastapis Tayta Diosga nin:
17 Chaypita castigashpämi umantapis garachuwan galayächishaj.
18 Chay junäga Tayta Diosmi ushajpaj illgächenga warmicuna camaränanpaj jaticunancunata: chaquincho camarächinanpaj caj shall-shallyajcunata, vinchancunata, coröna-niraj adurnuncunatapis,
19 wallgacunata, brasalëtancunata, uman shucutancunata,
20 uma adurnuncunata, chaquinman churacunan brasalëtacunata, chegllanman watacunan sintillucunata, pömuwan perfümicunata, surtipaj charashancunata,
21 surtïjacunata, camaränanpaj senganman jaticunancunata,
22 cuyayllapaj alli röpacunata, jacucunata, pañuylucunata,
23 espëjucunata, fïnu tëlacunata, uman shucutacuna tëlacunata, mantïllacunata.
24 Chay junäga perfümipa ruquin canga melanaypaj asyayllami.
25 Jerusalencho tiyaj ollgu cajcunaga llapanmi guërracho wañonga.
26 Siudächo caycajcunaga wagar llaquicur lütu röpata jaticongapaj.