1 Chay junajmi Tayta Diosga manchariypaj, jatuncaray sablinwan castiganga Leviatán waräcuyta. Culebrano pillguypa-pillgur aywaycaj Leviatantami castiganga. Lamarcho caycaj waräcuytapis wañuchengami.
2 Chay junaj Tayta Diosga nengapaj:
3 Noga Tayta Diosmi chay übas chacrataga ricaycä.
4 Paytaga manami rabyapänachu.
5 Noga chapänäta munashpan ichanga
6 Shamoj watacunachöga Jacobpita miraj Israelcuna tacyangami.
7 Diosga Israelcunata manami castigashachu
8 Castigaytaga castigashami. Ichanga yachayllapami castigasha.
9 Chaynöpami Jacobpita mirar aywajcuna jucha rurashantaga perdunanga.
10 Intërunpa curalasha caycaj siudäga chunyajmi ricaconga,
11 Chaychöga yörapa rämancunapis chaquir shicwanga.
12 Chay junajmi Tayta Diosga runa rïguta ërashanno ruranga Éufrates mayupita asta Egipto mayucama. Gam Israelcunataga juctapis mana cachaypami juc juclla shuntashunquipaj.
13 Chay junäga trompëtatami tucamongapaj. Chaura Asiriacho ogracasha caycajcunawan Egiptuman prësu aywasha caycajcunapis Jerusalenman shamongapaj fiyupa rispitädu lömacho Tayta Diosta adurananpaj.