1 «Israelpa raynincunapaj gamga wañupacuycho cantanata cantay. Cayno cantay:
2 «Mamayquega liyuncunapa chaupinchömi tiyasha.
3 Juc wawallantami mas alli gueshpichisha jatun canancama.
4 Chayno ruraycashantami juc-lä nasyuncuna mayaran.
5 Chaura maman liyonga shuyarayta yamacarna,
6 Chay liyunpis jatunna carga waquin liyuncunawan
7 Palasyucunachöpis llapanta illgächiran.
8 Chaura bisïnun marcacunacho tiyajcunaga paypa contranna jatariran.
9 Aushiwan aparcur jaulaman wichgaycusha.
10 «Mamayquega casha yacu aywaycajpa läduncho
11 Rämancuna alli wiñar sinchi caran.
12 Ichanga rabyawan achuriycärir pampaman jitariran.
13 Cananga chunyaj chaqui parti
14 Rämancunapitana nina ratataycaj llojshiycan.