1 Chaypita Moisesga llapan Israelcunawan Tayta Diosta alabar cantaran. Chay cantashan caynömi niycaran:
2 Tayta Diosmi imapitapis chapämaj, salbamaj.
3 Tayta Diosga guërracho pillyay yachajmi.
4 «Tayta Diosga faraonpa suldäruncunatami, carrëtancunatami
5 Ruminömi ruricama yagacarpusha.
6 «Tayta Dios, maquiqui fiyupa munayniyojmi.
7 Gamga fiyupa munayniquiwanmi contrayqui jatarejcunata usharishcanqui.
8 Pücariptiqui yacu shuntacäcusha.
9 Chiquimajcunaga caynömi yarparan:
10 Ichanga lamarta gam pücariptiqui
11 «Tayta Dios, maygan dioscunapis gammanga manami tincunchu.
12 Maquiquiwan ayparcamuptiqui
13 «Jorgushayqui runacunataga cuyapashpayquimi pushaycanqui.
14 Chayta mayarga waquin nasyuncho tiyajcunapis fiyupami mancharenga.
15 Edom runacunapa mandajnincunapis mancharir callpaynajmi ricacongapaj.
16 Paycunaga fiyupa munayniquiwanmi mancharishpan upatasha ricaconga.
17 Tayta Dios, Israelcunataga gammi pushanquipaj tiyanayquipaj acrashayqui puntaman.
18 «Tayta Dios gamllami imaycamapis mandaycanquipaj.»
19 Carrëtancunawan cawalluncunawan faraonpa suldäruncuna lamar chaupinta aywaycaptin Tayta Dios lamar yacuta cashganman cutichir ñiticarpachiran. Israelcunami ichanga päsaran chaqui allpapa.
20 Chaypitami Aaronpa pañin profetïsa Mariaga panderëtallanpawan cantaran. Chaura llapan warmicunapis cushicushpan gallaycuran panderëtata awishpan dansayta.
21 Caynömi María cantaran:
22 Chaypitanaga Israelcunata Puca Lamarpita Moisés pushacuran. Chaura aywacuran Shur jutiyoj chunyaj chaqui jircapa. Quimsa junajna aywarpis yacuta mana tariranchu.
23 Chaypita chayaran Mara jutiyoj partiman. Chaycho yacu caycajtaga asgaptin mana upuranchu. Chayno yacu asgashanpitami chay partipa jutinta churaparan Mara nir.
24 Chaura runacunaga Moisespa washan rimaran «Cananga ¿imataraj upushun?» ninacur.
25 Chaura Moisesga Tayta Diosta mañacuran yanapänanpaj. Mañacuptin Tayta Diosga juc yörata ricachiran. Chayta Moisés yacuman jitarpuran. Chaura yacuga upunanpaj allina ticracuriran.
26 Paycunata niran: «Wiyacamaptiquega, munashänölla cawaptiquega, laynëcunata cumliptiquega Egiptucunata castigar gueshyawan charichishäno manami castigashayquipächu. Nogami cä Tayta Diosniqui, imapitapis allchacächej.»
27 Chaypita päsar chayaran Elim partiman. Chaycho caran chunca ishcay (12) pashtaj yacu, ganchis chunca (70) palmëra yöracuna. Chay yacu ñaupanmanmi tolduncunata ichichiran.