1 Cayga caycan yachachicoj isquirbishanmi. Payga caran Davidpa wamranmi. Paymi Jerusalencho ray caran.
2 Noga yachachichöga në:
3 ¿Imataraj jorgun runaga cay pachacho may-jina ñacar arurpis?
4 Runaga yuriycan, y wañuycan.
5 Intipis yagarcamun, yagacurcun.
6 Wayraga yaparir yaparirmi wayraycan.
7 Mayucunaga llapan aywar chayaycan lamarllaman.
8 Llapanpis fiyupami uticächicun.
9 Unay cashanga yapaymi canga.
10 Waquenga nenga:
11 Unay cashancunataga gongaycärishami.
12 Noga yachachicöga Jerusalenchömi Israelcunapa raynin carä.
13 Nogaga cay pachacho imano goyashallanchïtapis sumaj musyanäpaj estudyarä. Alli tantiyanäpaj llapan shongöpa estudyarä. Tayta Diosmi camacächisha chayno estudyananchïpaj. Runacunapäga chay estudyu fiyupa sasami caycan.
14 Chaymi tantiyacushcä llapanpis cay pachacho rurashanchëga manacajllapaj cashanta. Wayrata chariyta munajnöllami caycanchi.
15 Wicsushatapis manami allchayta camäpacunchïnachu.
16 Shongullächo yarparä: «Canan nogaga sumaj yachajmi cä. Ñaupäta Jerusalencho caj raycunapita masmi musyaj yachaj cä» nir.
17 Llapan shongöpami yachaj canäpaj estudyashcä. Llutan ruraycuna imano cashantapis estudyashcä. Ichanga chaycunapis caycan wayrata chariyta munashanchïnöllami.
18 Rasunpaga