1 «Syëlu wiyay rimashäta.
2 Yachachicuynëga tamyanömi runacunaman chayanga.
3 Tayta Dios munayniyoj cashantami willacushaj.
4 Paymi imapitapis chapämajninchi.
5 «Fiyu, juchasapa runacuna, Tayta Diosta rabyachej,
6 Mana tantiyaj lïsu runacuna
7 «Mä yarpachacuriy. Unay imano cashantapis tantiyacuriy.
8 Tayta Diosmi juc junajcho runacunata raquiran.
9 Chaymi paycunata cuyar acraran yanapänanpaj.
10 Wayralla tumaycaj chunyaj jircachömi paycunata tariran.
11 Chaymi gueshtancho anca älanta quicharcur-quicharcojno,
12 «Tayta Diosllami pushararan.
13 Nasyuncunacho altunnin jircacunapami llapanta binsichir pushamusha.
14 Quësutami, cabrapa lëchintami camariparan.
15 «Israel ichanga werayasha, jaytacojyasha.
16 Juc dioscunata adurashpanmi Tayta Diosta rabyachisha.
17 Uywacunatapis pishtaran dyablucunapaj,
18 «Israelcuna, cachaycushcanquimi imapitapis chapäshoj Taytanchïta.
19 Chaypitami Tayta Diosga rabyacurcusha.
20 Chaymi nisha: ‹Paycunata manami yanapäshänachu.
21 Mana dios caycaptin juc dioscunata adurashpanmi rabyachiman.
22 Cananga nina ratarejnörämi fiyupa rabyacurcushcä.
23 Paycunataga tucuynöpami castigashaj.
24 Yargaywan rupay gueshyawan wañunanpämi camacächishaj.
25 Wamrancunatapis cällicunachömi tucsirgärenga.
26 « ‹Nogaga yarparä pipis mana yarpänanpaj intërupa garguriytami.
27 Ichanga contrancuna cushipämänanta manami munashcächu.
28 «Israelcunapaga yarpayninpis manami cannachu.
29 Canan nishäcunata ojalä tantiyacunman ichanga.
30 ¿Imanöpataj warangantin runacunata jucnaylla gaticachanman?
31 «Contranchïcunata chapäga manami noganchïta chapämajninchïnöchu.
32 Contranchïcunaga fiyumi, wañuchicojmi,
33 Paycunapa bïnunpis wañuchicoj culebrapa benënunnömi.
34 «Tayta Diosninchi nisha: ‹Jucha rurashancunataga manami gongächu.
35 Llutanta rurashanman-tupu quiquëmi runacunataga jusgashaj.
36 «Acrashan runacunapa callpan manana captenga Tayta Dios yanapangami.
37 Chaymi contranchïcunata Tayta Dios nenga:
38 ¿Maytaj chay uywacunapa wiranta «micun» nishayqui,
39 ¡Nogallami llapanpaj munayniyoj Dios caycä!
40 Imaycamapis cawaj Dios cashpämi
41 Conträcunata jusganäpaj achicyaypa achicyaycaj espädäta afilashaj.
42 Mandajnincunatawan suldäruncunata ushaptë
43 «May-chay nasyunchöpis tiyaj runacuna
44 Chay birsutami Nunpa wamran Josuëwan aywaycur Moisés llapan Israelcunata liguiparan.
45 Liguipayta usharcur Israelcunata
46 niran: «Canan willapashäcunata sumaj yarpachacuy. Yachachishä laycunata cumlinanpaj wamrayquicunata willapay.
47 Cay laycunataga manami yangallapächu yachachishcä, man'chäga chaycunata cumlir alli cawayta tarinayquipämi. Chay laycunata cumlerga Jordán mayuta chimparcur partisyun chacrata chasquir allimi cawanquipaj.»
48 Chay junajllami Moisesta Tayta Dios niran:
49 «Moab nasyuncho caycaj Abarim jircacunapa aywar Nebo puntaman wichay. Chayga caycan Jericó siudä chimpanchömi. Chay puntapitami ricanqui Israel runacunata goycunäpaj caycaj Canaán nasyunta. Nebo puntaman Moisés wichashan|src="CO00872B.TIF" size="col" loc="Deut. 32.49" ref="Deut. 32.49"
50 Wauguiqui Aarón Hor puntacho wañushpan unay wañoj famillyayquicunawan tincoj aywacushannömi gampis Nebo puntaman wicharcur wañushpayqui famillyayquicunawan tincoj aywacunquipaj.
51 Gamga wauguiqui Aaronwan ishcaniquimi Israelcunapa ñaupancho mana wiyacamarayquichu. Chayno rurarayqui Zin jutiyoj chunyaj Meriba-cades yacu llojshimojchömi. Israelcunapa ñaupancho gamcunaga manami rispitamarayquichu.
52 Chaypitami gamga Israelcunata goycunäpaj caycaj nasyunta carullapitana ricärinquipaj. Chay nasyunman ichanga gam mana yaycunquipänachu.»