1 Chaypitanami ricarä munayniyoj anjil fiyupa achicyaycar janajpita uraycämojta. Chay achicyayninmi intëru pachata achicyaran.
2 Chay anjilmi sinchipa nimuran:
3 Mañösa car juchata rurashanwanmi llapan nasyuncuna machasha.
4 Chaynöpis yapay wiyarä janaj pachapita cayno nimojta:
5 Payga pasaypa juchasapami caycan.
6 Imanömi jucta ruraran chayno paytapis ruray.
7 Payga ima-aycayojpis car fiyupa alli-tucushpanmi cawaran.
8 Chayno cashanpitami juc junajllacho fiyupa ñacaycuna payman chayanga.
9 Chay siudäpita goshtay jatariycajta ricarmi llapan nasyuncunapa mandajnincuna llaquicur waganga. Chay mandajcunaga paywan cacushpanmi pasaypa juchata ruraran. Tayta Diospa contran imatapis mana manchacuypa ruraran.
10 Fiyupa castigashanta ricarmi carullapita ricarpanga. Cayno nirmi gapachaconga:
11 Chaynömi llapan nigusyanticunapis waganga chay siudä ushacashanpita. Manami canganachu pipis nigusyuncunata rantinanpaj.
12 Chay nigusyanticunaga ranticunanpaj apaj gorita, guellayta, cuyayllapaj rumicunatapis, lïnupita tëlata, sëdapita tëlata, puca chicnu tëlata, cuestaj guerupita tucuy-niraj tablacunata, cuyayllapaj marfilpita, runsipita, fyërrupita, marmolpita rurasha cajcunata,
13 canëlata, insinsuta, mïrrata, tucuy alli asyaj jachacunata, bïnuta, asëtita, jarinata, rïguta, cargacuna caj uywacunata, uyshata, cawallucunata, carrëtacunatapis. Uywaycunatapis ranticoj aruchinanpaj.
14 Nigusyanticunami cantapanga cayno nir:
15 Babiloniata ranticur rïcuyaj nigusyanticunaga rupaycajta ricaycur wagar carullapita manchacasha ricarpanga
16 «¡Ay jatuncaray siudä!
17 ¡Llapan ima-aycayquipis illajpita ushajpämi ushacasha!» nir.
18 Chay marcapita goshtay jatarejta ricar fiyupa waganga «Chay siudäno ¿mayllachöga cashachuraj juc siudä?» nir.
19 Nircorga fiyupa wagar gapararmi allpatapis umanman wiñacur nenga:
20 Syëlucho cajcuna, fiyupa cushicuy.
21 Chaura munayniyoj anjil mulinu rumita-niraj jogarcur lamarman jitarir niran:
22 Mananami cantashancunapis wiyacangapänachu.
23 Pipis mana tiyaptin achquipis mananami achicyanganachu.
24 Chay siudä runacunami juchayoj caycan Tayta Diospa profëtancunata, yäracojcunata may-chaychöpis wañuchishanpita. Chaypitami paycunaga castigasha canga.