1 Davidtaga Tayta Dios salbaran Saúl wañuchinanpaj caycaptin, waquin chiquinacushancunapis wañuchinanpaj caycaptin.
2 Chaymi Davidga cantar niran:
3 Tayta Diosnëmi washäcoj gaga,
4 Tayta Dios, alabasha canayquimi camacan.
5 «Wañuyga yacu-jinami ñiticarcamaran.
6 Wañuyga wascanömi pitucarcamaran.
7 Fiyupa llaquicur Tayta Diosta mañacurä.
8 «Chauraga intërucho fiyupa timlur caran.
9 Senganpita goshtay llojshiycaran,
10 Syëluta garirir urämuran.
11 Querubín anjilta muntacurcur buylaran.
12 Paypa toldonga yanauyaycaj pucutaymi.
13 Fiyupa achicyaycaj illguymi ñaupanpita llojshiran.
14 «Janajcho caycaj Tayta Diosga
15 Lëchancunatami jitamuran. Illguynincunatami achicyächiran.
16 Tayta Dios ollgöpaptin,
17 «Tayta Diosga janajpita-pachami ayparcamusha.
18 Fiyupa munayniyoj chiquimajcunawan pillyacho captëpis salbamasha.
19 Ñacaycho caycaptëmi paycunaga magamaran.
20 Paymi alliman jorgamaran.
21 Allillata rurashäpitami
22 Nogaga Tayta Dios munashannöllami goyaycä.
23 Mandamintuncunataga llapantami musyaycä.
24 Payga musyanmi munashanno cawashäta.
25 Allillata rurashäpitami
26 «Tayta Dios, cuyapäcoj cajtaga yanapanquimi.
27 Juchaynajcunatapis yanapanquimi.
28 Umildicunataga salbanquimi.
29 Tayta Dios, gammi achicyaj pachata ricaycächimanqui.
30 Gam yanapämaptiquimi chiquimajcunata magaj yaycushaj.
31 «Tayta Dios nishanga llapanpis allimi.
32 Tayta Diospita mas jucga manami canchu.
33 Tayta Diosmi fiyupa munayniyoj pacacunäga.
34 Paymi chaquëtapis apurä japachin lluychupatanöraj.
35 Paymi pillyapäpis yachachiman.
36 Gammi chapämanqui, salbamanqui.
37 Gammi alli purichimashcanqui.
38 «Chiquimajcunatapis gaticachashcä, illgächishcä.
39 Ushajpämi ushashcä.
40 Gammi guërracho pillyanäpaj callpata gomashcanqui.
41 Binsinäpaj yanapämaptiquimi cuncapita lluchcashcä.
42 ‹Yanapämay› niptinpis manami pipis yanapashachu.
43 Ñuchu allpatanömi rurarirä.
44 Runacuna conträ jatariptinpis salbamashcanqui.
45 Chay runacunaga nishäta llapantami wiyacun.
46 Juc-lä nasyun runacunaga manchacamanmi.
47 «¡Alabasha cachun Tayta Dios!
48 Mana allita ruramashanpita Tayta Diosmi ayñita cutichisha.
49 Chiquimajcuna fiyupa rabyasha caycaptinpis,
50 Chaymi llapan nasyuncunapa läduncho alabashayqui.
51 Sumaj allicho cananpämi yanapanqui acrashayqui raytaga.