1 Saúl wañushanpita Davidga Amalec runacunata binsiycur cuticuran Siclagman. Chaycho ishcay junaj goyaran.
2 Warannin junäga Saulpa suldäruncunapita chayaran juc runa, fiyupa llaquicuywan röpanpis pasaypa rachir-ushasha, umanpis allpalla. David cajman chayaycorga rispitashpan gongurpacuran.
3 David tapuran: «¿Maypitataj chayaycämunqui?» nir.
4 Chaura David niran: «¿Imataj casha? ¡Llapanta willamay ari!»
5 Willajta Davidga tapuran: «¿Imanöpataj musyanqui Saulpis Jonatanpis wañushanta?» nir.
6 Chay runa niran: «Nogaga puriycashächo mana yarpashapita camacarä Gilboa jircaman. Chaychömi ricashcä Saultaga lansanman tuncacuycajta. Filistea runacunaga carrëtanwan y cawallun muntasha cajcuna jananchöna caycaran.
7 Chay öra Saulga ticrarcur ricäramar gayamaran. Chaura noga aywashcä.
8 Nircur ‹¿Pitaj canqui?› nimaran. Chaura noga willarä Amalec runa cashäta.
9 Payga nimaran ‹Cayman shamuy. Juclla wañurachimay›. Payga wañuycarannami. Yangallanami cawaycaran.
10 Chaymi ñaupanman witiycur wañuycachishcä. Yamajna caycajta ricar manami yarpashcänachu cawanantaga. Nircorga gamman apamunäpämi corönanta, brasalëtata jorgucurishcä tayta.»
11 Chauraga Davidpis, yan'guincunapis fiyupa llaquicuypita röpancunatapis rachir-usharan.
12 Fiyupa wagaran Saúl wañushanpita, Jonatán wañushanpita, Israel suldärucuna pillyacho pirdishanpita. Chaymi goyarpoj ayunaran.
13 Chaypita Davidga willaj mösuta tapuran: «¿Gamga may runataj canqui?» nir.
14 Davidga sinchipa niran: «Gamga ¿imanirtaj wañuchishcanqui Tayta Dios acrashan rayta?»
15 Nircur yan'guinta gayarcur niran: «¡Canan öra wañurachiy!»
16 Davidna niran: «Quiquiquimi juchayöga canqui wañunayquipaj. Quiquiquimi willacushcanqui Tayta Dios acrashan rayta wañuchishayquita.»
17 Saúl wamran Jonatanwan wañushanpita Davidga fiyupa llaquicur cantaran.
18 Chay nishanta Judá runacunata yachachinanpaj niran. Llaquicur cantashanga isquirbiraycan Jaser libruchömi. Cantar niran:
19 «¡Ay Israel, jircayquicunachömi
20 Filistea warmicuna mana cushicunanpaj,
21 «¡Gilboa jirca, cananpitaga amana gamman imaypis tamyamuchunnachu!
22 Jonatanpa lëchanga yawartarämi jorgurej.
23 «Saultawan Jonatantaga runacuna amatarmi cuyaran.
24 ¡Israel warmicuna fiyupa wagay Saulpäga!
25 «¡Imanöshi pillyashan jircacho binsiycusha pillyay yachajcunataga!
26 ¡Jonatán, gampäga fiyupami llaquicuycä.
27 ¡Imanöshi binsiycusha pillyay yachajcunataga!