1 Tayta Diospa babulninta apar chayachiran churaränanpaj rurachishan tolduman. Nircorga Tayta Diospa ñaupancho rupachina sacrifisyucunata y alli goyaypita sacrifisyucunata rupachiran.
2 Nircur Davidga llapan runacunata Tayta Diospa jutincho bindisyunta goran.
3 Israel famillyacunataga llapantami aypuran ollguta warmitapis juc tantata, pedäsu aychata, päsas tantatapis.
4 Leví famillyacunata David churaran Tayta Diospa babulnin churaraycashan cajcho mañacunanpaj, agradësicunanpaj, y Tayta Diosta alabananpaj.
5 Paycunapa mandajnin caran Asaf. Guepanman caran Zacarías, chaypita Jeiel, Semiramot, Jehiel, Matatías, Eliab, Benaía, Obed-edom, Jeiel. Paycunaga tucaj arpano salteriocunatawan arpacunata. Asaf tucaj latilluta.
6 Cüracunana Benaiawan Jahaziel tucaj trompëtacunata. Llapanpis tucaj Tayta Diospa babulnin ñaupanchömi.
7 Chay junajllami Asaftawan alabäshejcunata Davidga niran Tayta Diosta agradësicur alabananpaj. Caynömi alabaran:
8 «¡Tayta Diosta agradësicuy-llapa!
9 Alabansacunawan payta alabay.
10 «Tayta Dios rispitädu cashanpita cushicuy.
11 Munayniyoj Tayta Diosninchïman guellicuy.
12 Fiyupa almiraypaj milagrucunata rurashanta yarpay.
13 sirbejnin Israelpita mirar aywajcuna,
14 «Tayta Diosmi noganchïpa Diosninchi.
15 Payga aunishanta imaypis yarpashami.
16 Abrahamta aunishanta,
17 Jacobpäga camacächiran layno cananpaj;
18 Chaymi niran: ‹Canaán partitami goycushayquipaj gamcunapa
19 «Paycunaga caran wallcajllami.
20 Paycunaga nasyunnin nasyunninmi puricoj.
21 Chaypis Tayta Diosga manami munaranchu pï ñacachinantapis.
22 ‹Ama yatapaychu acrashä runacunataga.
23 «Cay pachacho tiyaj cäga llapayqui Tayta Diosta alabay.
24 Munayniyoj cashanta nasyuncunaman willacuy.
25 Tayta Diosga munayniyojmi.
26 Waquin marcacunapa diosnincunaga manacajllami.
27 Pay caycashanchöga fiyupami achicyan.
28 «Llapan marcacho tiyajcuna Tayta Dios munayniyoj cashanta tantiyacuy-llapa.
29 Tayta Diosta rispitanapaj cashanno rispitay-llapa.
30 ¡Paypa ñaupanchöga cay pachacho cajcuna sicsicyachun!
31 ¡Syëlupis cay pachapis cushicuchun!
32 ¡Lamar yacupis, chaycho caycajcunapis gaparpächun!
33 ¡Munticho caj yöracunapis cushicuypita gaparpächun
34 «Tayta Diosninchïta agradësicuy amatar alli cashanpita.
35 Llapayqui niy:
36 ¡Israelcuna rispitashan Tayta Diosga
37 Chaynömi Davidga numrashan runacunata churaran Tayta Diospa babulnin ñaupancho caycänanpaj Asafta, paywan caycajcunata, paycunana waran-waran ima ruraycunatapis rurananpaj.
38 Obed-edomtapis sojta chunca (60) runacunatawan churaran chaycho caycänanpaj. Jedutunpa wamran Obed-edomtawan Hosatana churaran puncuta täpananpaj.
39 Sadocta paywan caj cüracunatapis niran Tayta Diospa wasin Gabaoncho caycänanpaj.
40 Paycunata niran Tayta Diospaj rupachina caj altarcho tardipa tutapapis rupachina sacrifisyucunata ruparcaycächinanpaj. Tayta Dios isquirbichishan laycho niycashanno rurananpämi niran.
41 Paycunawan caycänanpaj churaran Hemanta, Jedutunta. Paycunatawan iwal alabananpaj jutinpa acrashan caj runacunatapis cacharan. Paycunata niran: «Tayta Diosta agradësicunqui. Payga imaycamapis chaynöllami cuyamanchi.»
42 Paycunaga tucaj trompëtacunata, latillucunata, waquin tucanacunata Tayta Diospaj cantajcunawan iwal. Jedutunpa wamrancunatana churaran puncu yaycurinata täpananpaj.
43 Chaypitanaga llapan runacuna wasinman-cama aywacuran. Davidpis wasinman cuticuran famillyancunata bindisyunta gonanpaj.