1 Ilage Anutu nêl i kɨyang vô plopete tɨyi buc tɨbeac ên nêb he i loc nêl vô il buge ên he i ngô. Om wê Anutu nêl i kɨyang vô plopete ilage, od o tɨmu vô môp tibed lêm. Nge, tɨmu vô môp toto dɨ nêl i kɨyang vô he.
2 Lêc buc tɨmuên vɨwen gwêbaga Anutu vông môp paha bêga nêbê vông nu tuc lam ên nêb i lam nêl Anutu kɨyang i yêp seac vô il. Ilage Anutu nêl om nu tuc tung lag yuu kɨbun, dɨ Anutu vɨnoo i pyap ên nêb ob nêl nu tuc lê lec susu lag yuu kɨbun vɨhati.
3 Xêseac wê Yesu vông ge tɨyi xocbê xêseac wê Anutu vông ge, dɨ Yesu hɨxôn Anutu, yuu xôn tɨyima. Dɨ kɨyang wê Yesu vông ge xêkɨzêc om ngɨdu susu lag yuu kɨbun vɨhati yang ge xôn dɨ vông he dô xêkɨzêc. Yesu lam yib ên nêb ob vô xomxo vêl ên he nên nipaên. Pyap dêc lax mɨ la dô vô Anutu vɨgê hɨyôv gê kɨsii ganê.
4 Anutu vông lê levac vô nu tuc om nu tuc ngɨnoo angela vɨhati vêl, ên lê levac wê Anutu nu tuc vông ge luu angela lê vêl.
5 Ilage Anutu nêl vô nu tuc ên nêbê,Anutu nêl bêge. Nang dɨ nêl vô nu tuc tii vac nang ên nêbê,Anutu nêl bêge, lêc o nêl bêge vô angela ti lêm. Nge, nêl vô nu tuc tibed.
6 Om vô buc wê Anutu nêb obêc vông nu tuc lam kɨbun ga ge od Anutu nêl ên nêbê,
7 Nang dêc nêl kɨyang lec angela tii vac nang bêga ên nêbê,
8 Anutu nêl vô angela ên nêbê he tu i nue yuac, lêc nêl vô nu tuc bêga ên nêbê,
10 Nang dêc Anutu nêl vô nu tuc tii vac nang ên nêbê,
13 Nang dêc Anutu nêl ên nêbê,Anutu nêl bêge, lêc o nêl vô angela ti lêm. Nge, nêl vô nu tuc tibed,
14 ên angela ge Anutu nue yuac wê tɨyi xocbê myakɨlôhô ge. Om Anutu vông yuac vô he ên nêb he i loc ngɨdu xomxo wê Anutu ob vô he vêl ên he nên nipaên ge xôn.