1 Maing Koht, ei nanmwarki, I pahn kalohkiseli sapwellimomwi roson lapalap,
2 Rahn koaros I pahn kin patohwan kasapahlkalahngan ong komwi;
3 KAUN-O me roson kowalahpie, me pwung en ketin ale kaping koaros;
4 Dih kan koaros pahn kin kapinga wiepen nin limomwi kan;
5 Aramas akan pahn kin koasoia duwen sapwelliomwi lingan oh roson,
6 Aramas akan pahn kin koasoia duwen wiepen nin limomwi manaman akan,
7 Re pahn kin koasoia duwen wiewia mwahu en nin limomwi kan koaros
8 KAUN-O me ketin limpoak oh kalahngan,
9 E kin kupwur mwahu ong aramas akan koaros
10 Maing KAUN, wiepen nin limomwi kan koaros pahn kapinga komwi,
11 Re pahn koasoia duwen lingan en sapwellimomwi wehi,
12 Pwe aramas koaros en dehdehkihla duwen wiepen nin limomwi manaman akan
13 Sapwellimomwi wehi, iei wehi soutuk ehu,
14 E kin ketin sewese irail kan me kin mihla nan apwal;
15 Me momour kan koaros kin sohpeiong oh koapworopworkin komwi,
16 Komwi kin ketikihong irail uwen me itar
17 KAUN-O me ketin pwung ni mehkoaros me e kin ketin wia,
18 E kin ketiket limwahn irail kan me kin likweriong,
19 E kin ketikihong anahn en irail me kin wauneki;
20 E kin ketin sinsile irail kan me kin poakohng,
21 I pahn kin patohwan kapinga KAUN-O ahnsou koaros;