3 Pak tohtohie kumwail wia kauweielahr,
4 Eri da?
5 Kumwail kin lemeleme me kumwail mwahusang ie;
6 Kumwail sohte kak wehwehki me Koht me ketin kupwuredahr met?
7 I kin weriwerki lokolok wet,
8 Koht ketin perehsang ie ahlo, I solahr kak kotehla;
9 E ketikihsang ie ei kepwe kan koaros,
10 E ketin kalipwelipwehda wasa koaros en paliwereiet.
11 Koht ketin kauwong ie sapwellime engieng,
12 E ketin poaronehdo sapwellime karis kan pwe re en mahweniong ie;
13 Koht ketin kupwuredahr riei kan en keseiehla;
14 kisehi kan oh kompoakepahi kan tangehrdoaui.
15 Mehn keiru kan me mi nan imwei manokeielahr;
16 Ni ei kin likwerih ladu men, e sohte kin sapeng ie—
17 Ei pwoud sohte kakohng engin eweiet;
18 Seri kan kin mwamwahlikin ie, oh kin kouruhrkin ie, ni ar kin kilengiehda.
19 Me keieu kompoakepahnkin ie kan kin sautkin ie;
20 Kiliet mwotoudier oh mwerekireklahr pohn tih kat;
21 Kumwail kompoakepahi kan, kumwail poakeiehla!
22 Dahme kumwail kalokalokehkin ie, duwehte me Koht ketin wiahiong ie?
23 I men emen en tamatamante ei lokaia kat
24 De ei lokaia kat en siseldiong pohn takai,
25 Ahpw iet, I ese me mie mehmen nanleng
26 Pil mwurin kiliet eh pahn ohkihla soumwahu wet,
27 I pahn kilangki pein pwoaren mesei kat,
28 “A ia duwen atail kak kaloke?”
29 Eri met, kumwail en masak kedlahso—