1 I pwangadahr momour.
2 Maing Koht, komwi dehr ketin kadeikiehda.
3 Me pwung ong komwi omwi kupwur loallapen?
4 Komwi kin ketin mahsanih soahng kan duwen me kiht aramas kin patohwan?
5 Sapwellimomwi ieias pil mwotomwot duwehte en kiht aramas akan?
6 Eri, dahme komwi kin ketin kilelehkihdi dipei kan koaros
7 Komwi mwahngih me sohte dipei,
8 Nin limomwi kan me ketin wiaiehda,
9 Komwi ketin tamataman me komwi ketin kapikiehda sang pwehl;
10 Komwi ketin karosonehda semeio pwehn wiaiehda;
11 Komwi ketikihong tih oh uduk en paliwerei
12 Komwi ketikihongieier mour oh limpoak poatopoat,
13 Ahpw met I dehdehkiher me sang ni ahnsowo kohdo
14 Komwi ketin mwasamwasahn ma I pahn wiahda dihp,
15 Ni ei dipadahr, I diarehr apwal sang rehmwi,
16 Ma I pahn pweida mwahu pak ehu,
17 Ahnsou koaros komwi ketin sapwellimaniki sounkadehde me pahn uhwong ie;
18 Maing Koht, dahme komwi ketin mweidikihong ie I en ipwidi?
19 Ei inensangete nan kapehd en inei kolahng nan sousou
20 Ei mour saikinte pahn imwisekla? Komwi ketin piseksang ie!
21 I nektehn mweselda oh sohte pahn pwurodo—
22 sahpw rotorot, mwetehn, oh pingiping,