1 Moses oh mehn Israel ko eri koulkihong KAUN-O koul pwoatet:
2 KAUN-O me kehlepei kehlail;
3 KAUN-O iei sounpei kommwad men;
4 “E ketin sikendiong karis en sounpei en Isip kan oh wararail kan nan kepin madau;
5 Ahden sehdo koaduhpwaliraildi;
6 “Maing KAUN, meid kapwuriamwei roson en nin limomwi palimaun;
7 Komw ketin kamwomwalahr sapwellimomwi imwintihti kan, ni roson lapalap en powehdi;
8 Komwi ketin peuk sehdo, e ahpw pwalpeseng;
9 At imwintihtio ahpw kahski, ‘I pahn pwakih irail oh koliraildi;
10 Ahpw, Maing KAUN, esingek teieu sang rehmwi, a mehn Isip ko duhla;
11 “Maing KAUN, ihs rehn koht akan me duwehte komwi, me sarawihe kowahlap?
12 Komw ketin kapahwei nin limomwi palimaun,
13 Komw ketin loalopwoatohng sapwellimomwi inowo, ni omwi ketin kahluwahier aramas akan me komw ketin kapitalahr;
14 Tohn wehi kan rongehr oh masepwehkadahr;
15 Kaunen Edom kan eri masepwehkadahr,
16 Re masepwehkadahr oh lemmwidahr.
17 Komw ketin kahluwairaildo oh koasoanediong irail pohn sapwellimomwi nahna,
18 Maing KAUN, komwi me pahn ketin nanmwarki erein dih koaros kohkohlahte.”
19 Ni weren mehn Isip ko oahs akan, iangahki werennansapw ako oh soundakepahr ako, keidla nansedo, KAUN-O ketin kapwilodohng sehdo pohrail oh koaduhpwalikiniraildi. A mehn Israel ko ahpw kotehla wasao, sapasapal kohla pohn ngalangal.
20 Lih soukohp Miriam, rien Aaron, eri ale soangen keseng ehu me ede dampwurin; oh lih koaros idawehnla pil kesekesengki dampwurin oh kahkahlek.
21 Miriam ahpw koulkihong irail koul pwoatet:
22 Moses eri kaunopada mehn Israel ko pwe re en mweselsang ni Sehd Weitahtao kolahng nan sapwtehn en Sur. Re sapasapalki rahn siluh nan sapwtehn oh sohte diar pihl.
23 Re ahpw lellahng wasa me adaneki Mara, ahpw re sohte kak nim pilen wasao pwe me nohn sadik. Ihme kahrehda re kihong eden wasao Mara.
24 Aramas ako eri kaulimala oh lipahnedihada Moses, ndahng, “Dahme se pahn nim?”
25 Moses eri kapakap ngidingid ong KAUN-O; KAUN-O eri ketin kasalehiong lepin tuhke lep; Moses ahpw kesehdiongete nan pihlo, pihlo pa ioula, sohla sadik.
26 E mahsanihong irail, “Ma kumwail pahn peikiong ie douluhl oh kapwaiada dahme pwung, oh dadaur ei koasoandi koaros, I sohte pahn kalokehkin kumwail ehu soangen soumwahu suwed ko me I kalokehkier mehn Isip ko. Pwe iei ngehi KAUN-O me kin kamwahwihkumwailla.”
27 Mandahn rahno re ahpw douluhllahng Elim, wasa me utuhnpihl eisek riau oh tuhke pahm isihsek mi ie. Irail eri kauwada imwarail impwal ko wasao limwahn pihl ko.