1 Re ahpw ketikilahng Kohpahn Inowo nan impwal me Depit kaunopadahro oh kihdiong loale. Irail eri wiahda meirong kei, iei meirong en kaminimin ong Koht.
2 Mwurin Depit eh kaimwisakala wiepen meirong ko, e ahpw ketin kupwuramwahwihala aramas ako ni mwaren KAUN-O
3 oh nehkohng irail koaros kisin mwenge. E ketikihong emenemen ohl oh lih nan Israel ehu lopwon en pilawa, ekis uduk, oh ekei wahn wain madekeng.
4 Depit eri ketin idihada ekei mehn Lipai pwe re en kaunda kaudok ong KAUN-O, Koht en Israel, mwohn Kohpwahn Inowo, ni ar pahn kin kokouliong oh kapikapinga.
5 Asap eri pilipilda pwe en kaun, oh Sekaraia me wia sawasepe. Seiel, Semiramod, Sehiel, Mattidaia, Eliap, Penaia, Oped Edom, oh Seiel me pahn kesengki arp kan. Asap pahn kin kesengki simpal ko,
6 oh samworo riemen, Penaia oh Sahasiel, me pahn kin peuk sowi ahnsou koaros mwohn Kohpwahn Inowo.
7 Ih met tepin ahnsou me Depit ketikihong Asap oh ienge mehn Lipai ko pwukoahn koulkihong KAUN-O koulen kaping kan.
8 Kumwail patohwan kapingkalahngan ong KAUN-O, kumwail kalohkiseli sapwellime roson lapalap,
9 Kumwail koul kapikapinga KAUN-O;
10 Kumwail nsenamwahuki eh ketin sapwellimanikin kitail;
11 Kumwail patohdo rapahki sawasapamwail rehn KAUN-O,
14 Iei ih, KAUN-O, me atail Koht;
15 Kumwail dehr manokehla sapwellimen Koht inou,
16 inou me e ketin wiahiong Eipraam,
17 KAUN-O ketin wiahda inou ehu ong Seikop,
18 E ketin mahsanih, “I pahn kihong kumwail wehin Kenan.”
19 Sapwellimen Koht aramas akan me malaulau,
20 Re sansaruaruseli sang nan ehu sahpw kolahng nan ehu sahpw,
21 Ahpw Koht sohte ketin mweidohng emen en kalokeirail;
22 “Kumwail dehpa kauwehla nei ladu pilipil kan;
23 Kumwail, tohn sampah pokon, kumwail kouliong KAUN-O!
24 Kumwail kalohki duwen sapwellime lingan ong tohn wehi kan,
25 KAUN-O me lapalap oh konehng ale kaping lapalahpie;
26 Koht en wehi teikan koaros, iei irail me dikedik en eni,
27 Lingan oh roson kin kapilpene;
28 Tohn sampah koaros, kumwail kapinga KAUN-O;
29 Kumwail kapinga lingan en mwaren KAUN-O;
30 tohn sampah koaros en rerrer mwohn silangi!
31 Sampah oh lahng, kumwail en perenda!
32 Madau kan, oh audepahr koaros, kumwail ngiringirisek;
33 Tuhke kan en nansapw pil pahn ngisingiski ar peren
34 Kumwail patohwan kapingkalahngan ong KAUN-O, pwehki ih me kupwur mwahu;
35 Kumwail patohwanohng, “Maing Koht, at sounkomour, komw ketin kapitkitala;
36 Kapinga KAUN-O, Koht en Israel!
37 Nanmwarki Depit eri ketikihong Asap oh ienge mehn Lipai ko pwe re en apwahpwalih kaudok me kin wiawi wasa me Kohpwahn Inowo mihmi ie kohkohlahte. Re pahn kin wia arail pwukoa wasao rahn koaros.
38 Oped Edom nein Sedudun iangahki ohl wenehk welimen sang nan eh peneinei pil iang sewese irail. Osa oh Oped Edom me apwalih silepen ewen kehl kan.
39 Samworo Sadok oh ienge samworo kan me kin apwalih wiepen kaudok ong KAUN-O nan wasahn kaudok nan Kipeon.
40 Nimenseng oh nin soutik koaros re pahn kin wiahda meirong isihs pwonte pohn pei sarawio nin duwen me ntingdier nan Kosonned me KAUN-O ketikihong mehn Israel.
41 Me iang irail iei Eman oh Sedudun iangahki irail kan me pilipildahr pwe re en kin wia koulen kaping ong KAUN-O pwehki sapwellime limpoak poatopoat.
42 Eman oh Sedudun pil pwukoahki epwelpen sowi kan oh simpal kan oh soangen keseng teikan me re kin kesengki ni ahnsoun koulen kaping kan kin wiawi. Kisehn peneineien Sedudun me kin apwalih silepe kan en ewen kehlo.
43 Aramas koaros ahpw pwuralahng ni imwarail kan, oh Depit pil sapahllahng ni tehnpese pwehn tuhwong eh peneinei.