1 IJRAEL en inda: Re katoutou ia melel jan ni ai tikitik lel met pak toto.
2 Pan pak toto re katoutou ia melel jan ni ai tikitik lel met; ari jo, re jota kak kaloe ia di.
3 Men japajap weirada pon tinjau ai, wiadar warawar reirei.
4 A Ieowa me pun, a kotin lepuk pajaner jal en me doo jan Kot akan.
5 Karoj me kin tataki Jion, en jarodi o tanwei!
6 Ren rajon ra pon oj en im o, me kin mon pena mon a pan ujujda!
7 Me jota kin kadirela kumut en pa en jaundolun, de pa en me kin pir pena kap akan.
8 Pwe me kin daulul waja o, ren der inda: Kot en kotin kupura maui komail! Kit kapai komail da ni mar en Ieowa!