1 KAIDIN kit Ieowa, kaidin kit, pwe mar omui, kom kotiki on waui, pweki omui kalanan o melel!
2 Menda men liki kan en inda: Ia arail Kot?
3 Atail Kot kotikot nanlan, a kak kotin wia karoj, me a kupura.
4 Arail dikedik en ani kan, me wia kidar jilper de kold, iei dodok en pa en aramaj.
5 Au arail mia, ap jaja lokaia, por en maj arail mia, ap jota kak kilan waja.
6 Jalon arail mia, ap jota ron waja; tum arail mia, ap jota ned waja.
7 Pa arail mia, ap jota kak koledi meakot; na arail mia, ap jota kak alu; re jota kak lokaiaki kapin wor arail.
8 Me kin wiada pukat, me duet a irail, o pil karoj, me kin liki irail.
9 A koe Ijrael, liki Ieowa; i jauaj o pere parail.
10 Komail, kadaudok en Aron, liki Ieowa, i jauaj o pere parail.
11 Komail, me kin majak Ieowa, liki Ieowa, i jauaj o pere parail.
12 Ieowa kotin kupura kitail er, o a pan kotin kapai kitail la; a pan kotin kapaida kadaudok en Ijrael, kapaida kadaudok en Aron;
13 A pan kotin kapaida, me majak Ieowa, me tikitik o me laud akan.
14 Ieowa en kotin kapai komail da kokolata, pein komail o nou mail jeri kan!
15 Komail me kapaidar ren leowa, me kotin kapikadar lan o jappa.
16 Lan me japwilim en leowa, a jappa me a kotiki oner aramaj akan.
17 Me melar akan jolar pan kapina leowa, pil karoj, me kodi wajan kaporemen.
18 A kitail pan kapina leowa jan met o kokolata. Aleluia!