1 Mayatja, ngayuku puḻkaṟa mirpaṉariwiyangkuṉi wantima,
2 Panya ngayulu kuwari paku puḻkaringu,
3 munuṉa puntu winki kuḻu kuraringu.
4 Wanyuṉitju pitjala wankaṟura!
5 Panya miriku ngurangka aṉangu ilunytjitja tjuṯa nyinara nyuntunya kulintja wiyaringkupai, munuya nyuntunya waḻkuntja wiya alatjiṯu.
6 Ka ngayulu kuwari paku puḻkaringkula uḻiringkula nyuntula tjapini.
7 Panya ngayuku mirpaṉtju tjuṯangkuya kuwari ngayunya rawangku nyii-nyiipungkula ulatjingalpai.
8 Mayatja, nyuntu wiṟungku ngayunya ulanyangka kulinu.
9 Panya nyuntu kulilpai ngayulu nyuntula ngatjinnyangka.
10 Munun ngayuku mirpaṉtju tjuṯa paiṟa iyalku,