1 Tjukurpa nyangatja Mayatja Godalu wati ini Malakaila wangkangu Israelkunu tjuṯangka tjakultjunkunytjaku. |src="co01432b.tif" size="col" loc="p" ref="1:1"
6 Nyanga alatji paluṟu wangkangu wati tjukurtjara tjuṯangka, “Ngayuluṉa Mayatja witulya puḻkangku nyurala wangkanyi, kaya kulinma! Panya tjitji tjuṯangku mamangka wangaṉarangku kulilpai, ka wati waṟkaripai tjuṯangku kuḻu mayatjangka wangaṉarangkuṯu kulilpai. Ka panya ngayulu nyurampa Mama munu Mayatja nyinanyi. Ka nyura nyaaku ngayula wangaṉarangku kulintja wiyangku wantinyi? Panya nyura ngayunya ananingi, munu nyura ngayunya kuliṟa wantingi. Palu nyura ngayula tjapilpai alatji, ‘Nyaala wanyu wangkara nyuntunya ananingi?’
9 Ka nyura tjukurtjara tjuṯangku Godala puḻkaṟa tjapila nganampa ngaḻṯuringkunytjaku. Palu paluṟu nyura tjapinnyangka kuliṟa wantiku, panya nyura kuka kurakura tjuṯa ngunti katira ungkunyangka.