12 Munu piṟuku Aitjayalu tjanala wangkangu Godaku tjukurpa nyanga alatji,
13 Ngura nyara Lipananta puṉu panya waṟa tjuṯa ngaṟanyi ngura Patjanta kuḻu. Palu puṉu nyara palunya tjananya aṉangu tjuṯangku kaṯaṟa punkatjingalpai alatjiṯu –
14 Tjana tjinguṟu puḻi murpu puḻka tjuṯa puṟunypa kaṉany-kaṉanypa ngaṟapai,
15 Uwa, aṉangu kutjupa tjuṯa tjinguṟu waḻi waṟa puḻka puṟunypa kaṉany-kaṉanypa ngaṟapai, wallpa katu anga-ngaṟanytja puṟunypa.
16 Ka aṉangu kutjupa tjuṯa pauta puḻka tjuṯa puṟunypa uṟu puḻkangka kaṉany-kaṉanypa para-ngaṟapai,
17 Uwa, tjiṉṯu nyara palula paluṟu kaṉany-kaṉanypa nyinapai tjuṯa uwankara tjaṟuringkula wiyaringkuku,
18 Kaya god ngalypa-ngalypa tjuṯa wiyaringkuku alatjiṯu piṟuku pakantja wiya.
19 Panya Mayatja Godalu pitjala manta puḻkaṟa uritjingalku,
22 Ala! Wanyuya aṉangu tjuṯaku mulamularingkunytja wiyangku wantima nyuranya alpamilantjaku,