1 Helf miah, oh Gott,
2 Ich binn am unnah gay in deefah drekk,
3 Ich binn ausgvoahra funn roofa fa hilf,
4 Selli es mich hassa unni uahsach,
5 Mei shuld is nett fashtekkeld funn diah, oh Gott,
6 Loss selli es in dich hoffa nett in da shohm gebrocht sei deich mich,
7 Fa dich binn ich am fashpott vadda,
8 Ich binn en fremdah zu mei breedah,
9 Di leevi fa dei haus hott mich innahlich fazeaht,
10 Vann ich heil un fasht,
11 Vann ich sekk-glaydah ohdu,
12 Ich binn's kshvetz funn selli es am doah hokka,
13 Avvah fa mich, oh Hah, mei gebayt is zu diah,
14 Zeek mich aus em drekk;
15 Loss nett dess grohs vassah ivvah mich kumma;
16 Gebb miah andvat, oh Hah, fa dei grohsi leevi is goot;
17 Fashtekkel dei ksicht nett funn deim gnecht;
18 Kumm nayksht zu mei sayl un mach mich frei;
19 Du vaysht vi ich falacht, fashohmd un nunnah gedu binn;
20 Kshvetzah es em grikt henn mei hatz fabrocha,
21 Si henn miah gall gevva zu essa,
22 Loss iahra grohsah essa dish en fall sei zu eena,
23 Loss iahra awwa dunkel vadda es si nett sayna kenna,
24 Leah dei zann aus ivvah si,
25 Loss iahra voon-blatz leah gmacht sei;
26 Du dess veil si selli fafolka es du kshlauwa hosht;
27 Loss iahra sinda kumma, ayni uf di annah,
28 Mach es si ausgrivva sinn im buch funn layva,
29 Avvah ich habb angsht un binn in shmatza;
30 Ich zayl Gott sei nohma preisa mitt en leet singa,
31 Dess zayld em Hah may kfellich sei es en ox,
32 Di aylendicha sayna dess un sinn froh;
33 Da Hah heaht selli es noht henn,
34 Loss da himmel un di eaht een preisa,
35 Fa Gott zayld Zion helfa,
36 Di kinnah funn sei gnechta zayla's eahva,