1 “Juda iahra sind is nunnah kshrivva mitt en eisichah maysel,
2 Even iahra kinnah meinda noch funn iahra awldahra,
3 un uf di berga draus im land.
4 Diah misset eiyah eahbshaft ufgevva
5 Dess is vass da Hah sawkt:
6 Eah zayld sei vi en hekka-putsha in di vildahnis,
7 Avvah ksaykend is da mann es sich uf da Hah falost,
8 Eah is vi en bohm es bei em vassah geblanst is,
9 Es hatz is fafiahrich ovvich alles shunsht un oahrich veesht.
10 “Ich, da Hah, gukk in's hatz
11 En mann es uneahlich reich vatt,
12 Unsah tempel drovva uf em hivvel is
13 Oh Hah, du bisht di hofning funn Israel,
14 Hayl mich, oh Hah, no binn ich kayld;
15 Si halda oh sawwa zu miah,
16 Ich habb nett kshtobt en shohf-heedah sei fa dich,
17 Mach mich nett engshtlich sei;
18 Loss selli sich shemma es mich fafolka,
19 Dess is vass da Hah ksawt hott zu miah: “Gay un shtay in's doah funn di leit vo di kaynicha funn Juda nei un raus gayn. No shtay aw in awl di anra doahra funn Jerusalem.
20 Sawk zu eena, ‘Heichet's vatt fumm Hah, diah kaynicha funn Juda, awl di leit funn Juda un alli-ebbah es in Jerusalem voond un deich dee doahra kumd.
21 Dess is vass da Hah sawkt: Seind shuah es diah nett en loht drawwet uf em Sabbat-Dawk adda's deich di doahra funn Jerusalem bringet.
22 Bringet nett en loht aus eiyah heisah un doond kenn eahvet uf em Sabbat-Dawk. Haldet da Sabbat-Dawk heilich, vi ich eiyah foah-feddah gebodda habb.
23 Doch henn si nett keicht un henn sich nix drumm bekimmaht, si henn sich kshteibaht un mich nett abkeicht adda sich recht setza glost.
24 Avvah vann diah miah heichet, sawkt da Hah, un bringet kenn loht deich di shtatt-doahra uf em Sabbat-Dawk, un haldet da Sabbat-Dawk heilich bei nett shaffa,
25 no zayla di kaynicha es uf em Dawfit sei kaynich-shtool hokka deich dee shtatt-doahra kumma mitt iahra evvahshti. Si un iahra evvahshti zayla kumma uf veyya un uf geil mitt di mennah funn Juda un selli es in Jerusalem voona. No zayla leit in Jerusalem voona fa'immah.
26 Leit zayla kumma funn di shtett in Juda, funn di shtett um Jerusalem rumm, fumm land funn Benjamin, funn di niddahra lendah un di hohcha lendah un funn di saut. Si zayla brand-opfahra, shlacht-opfahra, shpeis-opfahra, insens un dank-opfahra an's haus fumm Hah bringa.
27 Avvah vann diah miah nett heichet fa da Sabbat-Dawk halda bei ebbes deich di doahra funn Jerusalem drawwa uf em Sabbat-Dawk, dann shtekk ich en feiyah oh es nett ausgmacht sei kann in di doahra funn Jerusalem, un es iahra kaynich-heisah folshtendich ufbrend.’”