1 “Muss nett da mensh hatt shaffa uf di eaht:
2 Es is vi en gnecht es en falanga hott fa in da shadda gay,
3 So is es miah ausgedayld fa moonet noch moonet nix havva zu layva difoah.
4 Vann ich mich anna layk, denk ich, ‘Vee lang biss ich ufshtay?’
5 Mei leib is geglayt mitt veahm un grinda,
6 Mei dawwa gayn kshvindah fabei es en shoddel funn en loom,
7 Fagess nett, oh Gott, es mei layva is vi en ohften,
8 Es awk es mich saynd zayld mich nimmi sayna,
9 Vi en volk fagayt un is nimmi,
10 Eah kumd nimmi zrikk an sei haus,
11 Fasell zayl ich nett shtill sei,
12 Binn ich da say, adda en veesht diah im say,
13 Vann ich denk es mei bett miah drohsht gebt,
14 even no fagelshtahsht du mich mitt drohma,
15 so es mei sayl leevah fashtikka vett,
16 Ich hass mei layva, ich vill nett on layva,
17 Vass is da mensh es du so feel machsht funn eem,
18 Du guksht een ivvah alli meiya,
19 Guksht du nee nett vekk funn miah,
20 Vann ich ksindicht habb, vass habb ich gedu zu diah,
21 Favass fagebsht du nett mei ivvah-dreddes,