1 “Favass dutt da Awlmechtich nett en zeit setza fa richta?
2 Mennah moofa di meik-shtay fa may land greeya,
3 Si dreiva di aysla vekk es zu selli heahra es kenn eldra henn,
4 Si sheeva selli aus iahra vayk es noht henn,
5 Vi vildi aysla in di vildahnis,
6 Si geddahra's foodah im feld,
7 Si leiya in di nacht unni glaydah,
8 Si sinn nass fumm reyyah in di berga;
9 'S kind es kenn daett hott vatt funn di muddah-brusht vekk grissa,
10 Di oahma gayn rumm nakkich, unni glaydah,
11 In di ayl-goahra macha si ayl;
12 Selli es am shtauva sinn yammahra in di shtatt,
13 'S hott anri es sich geyyich's licht setza,
14 Da doht-shlayyah shtayt uf meiyets am dawk,
15 Es awk fumm aybrechah vatsht vi's dunkel vatt,
16 Im dunkla brecha mennah in heisah nei,
17 'S dunkla is vi meiyets zu eena,
18 Si sinn vi shaum ovva uf em vassah,
19 Vi di hitz un's drukkana es shnay-vassah vekk nemd,
20 Iahra maemm es si gedrawwa hott fagest si;
21 Si doon letz zu di unfruchtboah fraw es kenn kinnah hott,
22 Gott zeekt di mechticha vekk bei sei gvald,
23 Eah lost si layva unni furcht, un si henn roo,
24 Si sinn hohch-geaht fa en zeit, no sinn si nimmi datt,
25 Vann dess nett so is, kann ennich ebbah miah annahshtah veisa,