1 Txãa e'su' vxite setenta txhitxhçxa, e'z e'zku yaçte kaah, txajx pa'jwa'j çxhabsu mteewa jxuka.
2 Sa' na'jĩk:
3 I'kwe'sxa' jxpa'yakx me'jwe, piisxakuẽtx alum ksxavxysu na'wẽ kajaçthu naa pa'ga.
4 Ya'ja, vxyu, pelgatxi txã'wẽsa jxũmée me'jwe. Sa' dxi'the nasa pu'jykhẽw yuhçxawa weçxana jxthẽeyuumeene'kwe.
5 Kiim yatte pa'jçxawa, ewçxáa we'wena weçxana pa'jane'kwe.
6 Aça' txãa yattewe'sx açesameeçxa', txã'wẽ weçxana pa'jni's ewçxáa jxpa'gatxna. Nawa jxpa'gameete', txajũ ki' u'jwene'kwe.
7 Sa' mtee ew jxpa'gatxna, txãa yatte paadejene'kwe, txãawe'sx kĩh sã'jĩni'swa ũ'na, txãa pa'gatey mjĩisa' ũ'wa'ja's jxpa'gawa'j ji'pha'. Aça' i'kwe'sxa' yat iisa paadehna pekũhnuwe.
8 Maa çxhabtewe'sx i'kwe'sxtxi jxpa'gate', kxtee ũsune'kwe kĩh puuçtewa wa'lmée jxpa'gana.
9 Sa' kxtee ãçã'satxwa nuykatxhiçxa na'wẽ pta'sxine'kwe: Dxus jxkaahna pa'jwa'j ena' i'kwe'sx yakh utxa ũsa'.
10 Nawa maa çxhabtewa i'kwe'sxtxi jxpa'gameete', txãa çxhabte jxuka na'jĩne'kwe:
11 I'kwe'sxa' jxpa'gameeçxawa yuuwesa yuukahn i'kwe'sx çxhabte kxtã'tuhd yuhnawa sakweekweçxa u'jweçtha'w kwe'sx çxidate uweni's. Sa' makwe jxpa'gameeçxawa, jiyuçxa neeyũuçi'kwe: i'kwe'sxtxi Dxus jxkaahna pa'jwa'j ena' utxa ũsa' jĩne'kwe.
12 Na'jĩ'th na': Dxus kastigãywa'j ente', txãa çxhabtewe'sxa' Sodoma çxhabtewe'sxte jxthaakwe nxus ya'kastigaĩtxna.
13 Korazín çxhabte nasa, Beçaidatewe'sx yã'jçxa, seena' yuh nxuste neeyũuwa'ji'kwe. Ayte i'kwe'sx dxi'pte na'wẽth ãçã'satx nuykatxhina uusáatx fxĩtxna yũu na' Tiro vxite' Sidon çxhabtewa txã'wẽy yũuwaça', txãawe'sxa' pkaltxi nvxihtçxa Dxus tasxte sxawedni txaçxyã'j yuuna.
14 Dxus kastigãywa'j ente', Tiro vxite' Sidon çxhabte nasate jxthaakwe i'kwe'sxa' nxus kastigo's knayuune'kwe.
15 Aça' Kapernaum çxhabtewe'sxa' cielute u'jwa'jsath sũhna i'kwe yaaki', nawa infxiernote khẽeya' u'jwa'jsai'kwe.
16 Txãa çxhabtxi' txã'wẽ we'weçxa', setentasawe'sxtxi' na'jĩk:
17 Txajũ' setentasawe'sxa' wala weçxana ki' sxawedtxi na'jĩna:
18 Jesusa' na'jĩk:
19 I'kwe'sx txã'wẽ yũukahn íiçxáath adxa' kĩhtewa jxuka ãjãwa'ja's ũs, ul weeswée usmitx kĩjkĩh eçx seena'sawa i'kwe'sxtxi kpã'vxit-ya' ãjãkahmén.
20 Nawa eçx luuku vxit-sa i'kwe'sxtxi nwẽesẽ'pha'gaçxáa yu', weçxweçxa yaakxnuwe. Naasáa cielute i'kwe'sx yase fxi'jni ũsa' txãa pa'ga yuuçxáa weçxweçxa myajkxwe jĩçxa',
21 Jesusa' txajx ũuste wala weçxak txã'wẽ Dxus Espiritu pu'çxpa'ga. Sa' na'jĩk:
22 Adx Tata' kĩjkĩhtewa jiyuwa'ja's adxçxaçxá'sku dukh. Txãa pa'ga kim yuhwa jiyu'çmeeta' Dxus Nçxi'ka's, naasáa Ney yuuçxáa jiia'. Txã'wẽy Tata'swa kim yuhwa jiyu'çmeeta', naasáa Nçxi'k yuuçxáa jiia', sa' maatxwa Nçxi'k íi khiyu'theçxáa jiyuya' ãjãtxna adx Tata's.
23 Txã'jĩçxa' txãa yakh u'jusawe'sxtxi thegçxa', na'jĩk txãawe'sxçxáatx:
24 nyafxiitey Dxus yuwe pta'sxsawe'sx vxite' jxkaahsawe'sxwa wala yuh uy wẽetx, nawa uyya' ãjãmeeta'. Txã'wẽy zhiçxkwe pta'sxni's ãçxh i'kwe'sx wẽsẽ'jna ũsi'kwe txã'snawa wala yuh wẽsẽ'j wẽetx, nawa wẽsẽ'jya' ãjãmeeta' jĩk.
25 Txajũ' ley kaapiya'jsa teeçxsa Jesus tasxte utxaaçxa', ewmée vxit wẽeçxa na'wẽk paapẽjx:
26 Jesus pasçxa':
27 ley kaapiya'jsa' na'wẽk pas:
28 Jesus we'weçxa':
29 Nawa ley kaapiya'jsa yu', txajx yuweteyçxáa ewmeete neeyũuyã'jçxa', na'wẽk pẽjx:
30 Jesus pasçxa' na'wẽk kwentu'j:
31 Peswée u'jni txaçxmeyna, teeçx sacerdote kĩhçxa' uyku txãa kpã'vxitnisa's, nawa pu'çxmée dxi'j skhẽwku.
32 Txã'wẽy Levxi ji'thewe'sxwa kĩhçxa' uyku, nawa txãawa pu'çxmée dxi'j skhẽwku.
33 Txajũ' teeçx piçthẽ'j Samariatewe'sx txãa dxi'khẽy kĩhçxa', kpã'vxitnisa's uyçxa', wala peeygãjk.
34 Sa' kpã'yũusa tasxte utxaaçxa', kpã'su aceite vxino yakh awna yu'çe'kh. Txajũ' txajx a'jni jibate yakhçxa ka'ja'kh, sa' paadee yatna pe'jna u'jçxa, kxte' kĩjkĩhwa peejxmeek sã'jĩ.
35 Kuskuus enkhẽ', txãa Samariatewe'sxa' u'jweççxa', e'z vxyu kutxi'jçxa, yat namu's dewek. Sa' na'wẽk neewe'we: Naa piçthẽ'j kpã'vxitnisa's meen sã'jĩ. Meeçxa' vxyu nvxiituçthu txãa ãhmeewáana nawa ki' sxawedna pa'jçxa, dukhe'nja txãa yuuluni's jĩk.
36 Jesusa' txã'wẽ pta'sxçxa na'wẽk pẽjx:
37 ley kaapiya'jsa pasçxa':
38 Txajũ' Jesusa' teeçx çxhab le'çxkuẽtek pa'jya' u'j. Txãa çxhabte teeçx u'y Marta yaasesa' txajx yatte jxpa'gak.
39 Sa' Marta' teeçx nyakhku ji'phu' Maria yaasesa. Aça' Maria yu', Jesus pta'sxniçxá's wẽsẽ'jya' txajx tasxte kaçxku.
40 Naapkaçxha' Marta yu', mjĩiniçxá's wala pa'pçxuna ũsçxa', Jesusa's utxaaçxa na'jĩk:
41 Jesus pasçxa':
42 Nawa jxthaakwe peejxsa yu' teeçx jwed yuuçxá'. Aça' Maria' wejx jxthaakwe peejxsa's wẽsẽ'je'ça' txã'sa' kim yuhwa kusa'jmeetxna jĩnak we'w e.