1 ጳዉሎሳ ስላሰን ጢሞትዮሳ ተሰሎንቄ ዎሳ ኬ የዘ አሱንስ፥ ጾዘ አደስን ላ የሱስ ክርስቶሳስ ማቅደ አሱንስ ጻፍደ ኪታ። አ ኬሃትን ሳሮ ይንትስ ማቀ።
2 ኑኒ ጾዝ ዎስዘ ዎደ ኡባ ይንታና ቆፕተራ ይን ግሾ ኡባ ዎደ ጾዛ ጋላታነ።
3 ጾዘ ኑ አዳይ ቲኖ አማኖራ ይን ኦችደ ኦቻ፥ ሲቆራ ይን ላብደ ላብቶ የሱስ ክርስቶሳራ የዘ ኡፋይስቶ ኤኮደስ ይን ሚንግ ኤቅደ ኤቅቶ ኡባ ዎደ ቆፓነ።
4 ኑ እሹን፥ ጾዚ ይንታና ካዛኖን ፋ ባዝ ማህ ይንታና ዶርዳኖ ኤራነ።
5 አኮስ ጋይኮ፥ ኑኒ ዎንገለ ዶናራ ጻላላ ባይዝን ዎልቃራ፥ ጌሽ አያናራን ዎንገለ ምን አማኖራ ይንትስ ክእዳ። ኑኒ ይንታራ ጋምእደ ዎደ ኡባ ይን ግሾ ዋይዝ የዘዛኮ ይን ኤራነ።
6 ይን ጋማ ማ ኤክኮን ጌሽ አያና እንግዘ ኡፋይሳራ ኪቶ ኤክዳ፤ ኑናን ኑ ላ አዝዙንና ማቅዳ።
7 ይኒ ግሾ፥ መቀዶንያን አካያ አዉራጃ የዘ አማንዘ ኡቡንስ አዝዘ ማቅዳ።
8 ላ ቃላ ይንታፓ ኬዚ፥ መቀዶንያን አካያ ጻላላስ ባይዝን ጾዛ ይን አማንዛና ኡባ በሳ ስንትዳ። ይኬ፥ ኑ ጋዉደ ባዝ አኮን ባያ።
9 ኑኒ ይንታጎ Ꮉንግደ ዎደ ይን ኑና ሞክደ ሞክተ ይን፥ ይን ኤቅቶ አሺ ቱሮን ደኦ ጾዛ ማዶደስ ይን ማቅዳኖ ኡን ፋ ኦምተ ኦህነ።
10 ማህ ጾዘ ናአያ፥ የሱሳ፥ ጾዚ Ꮉይቆፓ ደንዳኖ፥ ቲኖፓ ዮኦደስ የዘ ጾዘ Ꮉንቆፓ ኑና አሾዳያ፥ ሳሎፓ ዮኦዳያ ይን ናግዛኖ ማርክነ።