1 Yakup iaunau Yusup pusi oyo ioi ne hehuka hanaia pusiso utuso. Iahata, “Amanou pusimo mai nusuku reini. Mka uasau osimo pan muie reimo kaneita sapan runa moa hehuka, moa momou, moa upu.
2 Oamanoumo mai, we hehuka.
3 Ruben ano mo, au anaku manaonete.
4 Ne apusu maunauna tewa.
5 Simeon, Lewi omi ua mo, kaka wani.
6 Upeneku uamanouku ukatamo.
7 Masi omatamo runa mo sata rai
8 Yehuda, ano mka akua ahunu me nisau.
9 Ano mo, ahunu samatoro anunia mai numa
10 Sio rerihoni ano me mansiau mka ouna aiau
11 Omi mka mo iake runa umau reiso oahita tewa nea. Mo muaina panesi.
12 Oninu tihu anggur reiso matamo kania msinaya.
13 Sebulon, ano mo, mea upu mka orueso haineke nuae.
16 Dan, ano mo, mka asau ia seia ne manisate ia seia ne isanae.
17 Ano asiraso na ahunu sani tekene mai arena nusue.
18 Yakup iasau iahata, “Upuku. Au unapa-napa na ano apuheuma.”
19 “Gad, ano mo, mka sio kimanakana onana mo apia runa ohitamo.
20 Asyer ano mo, me muaina panesi, muai iaka-iaka.
21 Naftali, ano mo, ano runa mea upu mka osotamo tau manianeu tewa.
22 Yusup ano mo, mka mea upu panesi orueso sui supan-supan man.
23 Mea kakau anoo rasaa tanua reiso ahenia.
24 Ne ano akarihuru amahai. Me patane maka-makae.
25 Ano amahaia tau Anahatana wain uainaa runai iakahaia.
26 Anahatana irui iake osiku erenesi iaka
27 Benyamin, ano mo anom eresaa sani asu manene.
28 Yakup ianamana san rei osi ne hehuka hanaia hutusa rahana ua rei pusu sapani na Anahatana mka irui iake osi sio ruao sana osa-osa runa noa upu. Iaunutu anoi rerihoni ne hehuka sana osa-osa pannuhu runa no atata.
29 Yakup isima runa ne hehuka pusi oyo iasau runa ne hako iahata, “Mka-mkane umataku reiso saka oaunutuku pan hatu nohue anoe. Hatu nohue wani Abraham ihane arihoni Efron, ia arihoni sio Het. Ihanei runa nene tuamane otoe rei.
30 Hatu nohue rei wapan nia Makhpela. Wapan nia Mamre hae ranie eresaa pan otoe Kanaan. Ihane hatu nohue rei nanie tau iau-aunutu sio matana.
31 Pani hatu nohue rei oaunutu Abraham runa Sara. Ita oaunutu Isak runa Ribka. Ita au ruaku uaunutu Lea.
32 Aunutu au pan hatu nohue rei oi.”
33 Taa iasau pusi ne hako rei osi ne hehuka oyo iapusaa ain atua roe naniai samatoro inekei. Inekei oyo imatai.