1 Oteŋendeheranga olwʼabahosi bʼebibi
2 olwohuba bali hyʼenyaasi
3 Wesigenga Musengwa,
4 Sangaalanga olwa Musengwa,
5 Ŋambya Musengwa obulamu wuwo
6 Aja huleetera obugwalaafu wuwo ohwaduhirira hyʼenjase mu mawiiwi,
7 Weŋomehanga mu moni ja Musengwa omuhuumiirire nʼobugumiikiriza,
8 Leheraaŋo ohunyiiga oba obuhambwe,
9 Abahosi bʼebibi baja husihiiriha,
10 Mu hamanga hatono, abahosi bʼebibi baja huŋwaŋo
11 Aye abeŋomeha balisikira ehyalo hino
12 Abahosi bʼebibi besoomera abagwalaafu
13 Aye Musengwa ajeherera abahosi bʼebibi olwohuba amanyire ati
14 Abahosi bʼebibi basoŋolayo epiima
15 Aye nawoogi wʼefumo wiita nʼobuŋagaaye
16 Ebitono ebi omugwalaafu ali ni nabyo byamugaso,
17 Hiri hiityo olwohuba amaani gʼabahosi bʼebibi gaja huhoma
18 Musengwa alabirira abagwalaafu
19 Mu biseera ebigosi sibaja huŋotoha
20 Aye abahosi bʼebibi balisihiiriha,
21 Abahosi bʼebibi beŋola ne sibasasula
22 Abo aba Musengwa aŋa ekabi balisikira ehyalo hino
23 Musengwa anaba nʼasiima engenda yʼomuutu
24 nʼolu atagala saaja hugwa olwohuba Musengwa
25 Naali muŋere ne ŋaahani ndi kulire
26 Baba nʼehyere hiisi hiseera baŋola ni baŋuma ehi beŋambya
27 Mucuuhe ohuŋwe mu bibi muhole ebiruŋamu
28 Musengwa genda abatehubbira era salehaŋo abesigwa babe.
29 Abagwalaafu baja husikira ehyalo
30 Omuutu omuluŋamu ebimuŋwamo biba byʼamagesi
31 Ahuuma amagambi ga Hatonda wuwe
32 Omubi geteega omugwalaafu
33 aye Musengwa salireha bagwalaafu mu buŋangi wʼababi
34 Wesigenga Musengwa
35 Nabona omuhosi wʼebibi nʼaŋuma hisa
36 aye siŋabita hiseera ngʼafa era ngagota
37 Wehaŋaase omuutu omugwalaafu era omulaŋi
38 Aye abahola ebibi bosibosi
39 Obunoŋosi wʼabagwalaafu buŋwa eyiri Musengwa
40 Musengwa njʼabayeeda era njʼabanunula, abaŋonia abahosi bʼebibi