1 O Musengwa, kwenda,
2 Musengwa njʼolwanda lwange olungadirira,
3 Ndanga Musengwa ohunjeeda,
4 Ohufa hwaneswanigirisa,
5 Ohufa hwaneswanigirisa,
6 Mu hubonaabona hwange nalanga Musengwa,
7 Ehyalo hyateetema era hyanyeenya nʼesimuho jʼesozi jatengeeta,
8 Eriisi lyaŋwera mu suulu yiye, omuliro ogugugulisa
9 Gegulaŋo egulu nga geeha ŋaasi,
10 Ganiina hu Kerubbi gagululuha,
11 Gambala ehiirema,
12 Enjase eyaali nʼemuŋwamo, yasaala amanda,
13 Musengwa gabbwabbwanuhira mwigulu,
14 Galasa obusaale wuwe ngʼabalabe basalaana
15 Enjuho jʼenyanja jeeta aŋalafu
16 Musengwa gajanuula omuhono gugwe ohuŋwa mwigulu ganaaŋa gaatusa mu buliba.
17 Gaanunula ohuŋwa mu balabe bange abʼamaani,
18 Bapiriŋania mu biseera ebigosi
19 Gaatusayo gapira mu hifo omu netayayira,
20 Musengwa gaapa omuhemba olwohuba nahola ebiruŋamu,
21 Hiri hiityo olwohuba ngendera mu magira ga Musengwa.
22 Pambire amagambi gage gosigosi,
23 Pumaho musango mu moni jije
24 Musengwa gapaaye omuhemba,
25 O Musengwa, oli mwesigwa eyiri abo abesigwa,
26 Eyiri abo abaŋumaho mbalo, oŋumaaho mbalo
27 Onoŋola abo abawombeefu,
28 O Musengwa, wange, huuma etaala yange ni yaduha,
29 Wuupa amaani ohuwaagala eŋe erinumba.
30 Amagira ga Hatonda maluŋamu
31 Hatonda nje Musengwa yeŋene.
32 Hatonda owuupa amaani,
33 Ahahadasa amagulu gange gaaba hya ga namoli.
34 Gatendeha ohuba omusooli
35 O Musengwa, wukuuma
36 Ogalamya engira omu mbita,
37 Nabbinga abalabe bange naboolaho
38 Nabaminiangula ndibasobole hwinyoha,
39 Waapa amaani ohusoola etalo,
40 Waleetera abalabe bange ohunduluma,
41 Baalira ni baana hwana
42 Nabaŋuula nabaheneramo erala
43 Waanunula ohuŋwa mu baatu abakiyaania,
44 Abanamawanga bakubbira amafuha
45 Bosibosi baŋwamo amaani,
46 Musengwa njʼomwene bulamu!
47 Njʼagira naŋangula abalabe bange,
48 Njʼowuponia abalabe bange.
49 Olwʼehyo nja huhujumirya mu mawanga O Musengwa,
50 Hatonda aŋa habaha wuwe obuŋangusi owʼamaani.