1 O Musengwa, lwahiina otuli ŋaleeŋi?
2 Omuhosi wʼebibi abona ati njʼahihenaho era abahiyaania abagadi,
3 Ahola ebibi gepaaha olwʼebikolwa bibye ebibi,
4 Olwʼohwepaahapaaha hwʼomuhosi wʼebibi oyo,
5 Abitaamo mu hiisi ehi ahola.
6 Omuhosi wʼebibi geromaho omwene ati,
7 Omunwa gugwe gujofumula hujofumula ebiŋwabo,
8 Geteega mwisugu nʼahuumirira ohwita abaatu abamuŋumaho musango.
9 Ali hyʼepologoma eyeteega,
10 Olwʼamaani gage, abbwagabbwaga abatasobola hwesoolaho.
11 Aloma mu mwoyo gugwe ati,
12 O Musengwa, yinyoha!
13 Lwahiina omuhosi wʼebibi anyooma Hatonda?
14 Aye ewe Hatonda obona
15 Bbwagabbwaga amaani gʼomuhosi wʼebibi
16 Musengwa nje Habaha owʼemirembe nʼemirembe.
17 O Musengwa, oŋulira ohwegomba hwʼabaatu babo ababonaabona,
18 Oŋulira ohulira hwʼabo aba banyigirisa ko nʼabafuubbi.