1 Zbz mcx kc skrol kx apule lrpzu kxboi kxnzbu. X male Kxetu kc tqwxbuom mz tron mz mqde kxrtc. X skrol lc nzyr nrlarde rlilr. A' nzbupe x nzabli-kzo-ngrde nrlc rlimz mz kadol kx apule bq lr nounc. Zbz mcx kc skrol kx apule lrpzu kxboi kxnzbu.|alt="140 scroll" src="140-scroll-BB.tif" size="COL" loc="REV 5:1" copy="Birney Boyd." ref="5:1"
2 X mcx kc enjrl kx matq-esz'ngr, x sc tqetumipe nate nzrpi-krde kx, “?Neke takitrde nzrniglcngr kadol lcng rlimz murde nakawxpxle skrol lc?”
3 A' trpnzngr kx nzrmcti Heven, mz nrlc, x mrnyz mqngr kxnzbzpeng kx takitrde.
4 Sc tqyrnitx-zlwzpex.
5 A' kzdq kxnzaclve lcng rpimle bange kx, “Bzkq yrniq! Mcpwz! Laion ngr Neidu lr Judz. Ncblo kxmatq kc tqngi melrmqde King Devet, x aovxiopele nzvecngr. Sa naniglcle kadol lcng rlimz murde narkawxpx skrol lc.”
6 Zbz mcx kc Nei Sip tutrpz mrkc tqlxlvrkipx tron, x kxnzlung kcng pwx x kxnzaclveng kcng nzpnu-li-nrade-pwx (24) nztu-ngalelvzlr nide. Nei Sip kc opxm kx nznibqpe. X tutrpz bade dxpa' rlimz kx ngi rkx ngr zmatq ngrde. X mzte rlimz kz, rkx ngr Mqngrkxtr ne Gct kc nzwz-krdeng rlimz, kx atwzlrpx-ngrde mz nrlc tulvzo.
7 Nei Sip sc tqvzpebz mz Kxetu kc tqwxbuom mz tron x otibzle skrol kc tqmalele mz mqde kxrtc.
8 X mzli lcpwz, kxnzlung kcng pwx x kxnzaclveng kcng nzpnu-li-nrade-pwx nzrtco-lzbq-ngrbzng mz Nei Sip nzglqpx-krdrle. X nzrtaplxsrng gita x dis kx ngi gol yrbu lxblr mz bqlr nc ninz, krlcng nzkrka'kr leplz neng Gct.
11 Zbz obq-mopwc' x xlrx nzngrkr siu ngr zbo ngr enjrl kx rblx nzrlwxngr. X enjrl lcng nzyrlwr-ngalelvzlr tron, mrkc nzmnc-kzng kxnzlung kcng pwx x kxnzaclveng kcng.
12 X natr kc tqetupe mz nzngrngr kx,
13 Zbz xlr-moux krkcng lu amrlx, kxmule-esz' Heven, mz nrlc, mrnyz mqngr kxnzbzpeng, prla, x nrlc atwrnrngr, a' nzngrpx-lxblr-ngrdr mz nzrpi-krdr kx,
14 X kxnzlung kcng pwx nzrpibzlr kx, “Eu, angida!” X kxnzacvleng kcng nzrtco-lzbqng mz nzangiongr.