1 Tagi Maolunga, au e tuhi goe i ogu lodo alodahi,
2 Au e malangilangi ma de tuhi goe;
3 Ogu hagadaumee gu saavini ma gu hulo;
4 Gai koe gu hagamodu bolo niiogu tonu;
5 Koe gu hagasee denga huaahenua, ma de daa gi maakau de gau baubau;
6 De hagadaumee gu hai gi lilo ga hano ai;
7 Aagai Tagi Maolunga e dagi ga hano ai;
8 Ia e hagamodu naa muna o henua i lalo i de heohi,
9 Tagi Maolunga se mommee buibui makaga niiolaadeu e duasala,
10 Gilaadeu e iloo doo ingoo e hagadonusia goe;
11 Daahili duuhia Tagi Maolunga, e noho laa i dono nohoanga i Zion!
12 Go hiidinga de ia e suuia ange de baubau e manadua;
13 Tagi Maolunga, galo mai diiloo de hagaduasala a ogu hagadaumee au!
14 gai au ga tala tuhi ai goe i denga haitoga o tamaa hine o Zion,
15 Denga huaahenua gu too ange gi lo te geelinga alaadeu ne geli;
16 Tagi Maolunga gu hagaago mai ono dagodo,
17 Tangada baubau e ahe ange gi de mommee o de gau maakau,
18 Aagai ⌊de Maadua⌋ e dee ngalo donu gilaadeu e duasala i masavaa alodahi;
19 Tagi Maolunga, hidi age, aude dugua ange gi kii dangada;
20 Tagi Maolunga, hagamaatagu ina gilaadeu!