1 Tagi Maolunga, de hodooligi e malangilangi i oo mahi;
2 Koe gu gaavange gi de ia dono mee e lodo ai,
3 Koe gu humai ma gu gaavange gi de ia denga manuuia danuaa;
4 Ia ne dangidangi adu i de mouli, gai koe ga gaavange gi de ia,
5 Dono mahamaha gu laumalie, i hiidinga o dau hagaola,
6 Koe e hagamanuuia ia ga hano ai,
7 De hodooligi e hagadonu Tagi Maolunga,
8 Koe e booboo naa oo hagadaumee alodahi;
9 Koe e hai naa gilaadeu gi bei de mommee iai de ahi ula,
10 Koe e daa naa olaadeu aamuli ga deai e doe i henua i lalo,
11 Noo gilaadeu e hagatau e hai baasi adu gi de goe
12 Koe e hai naa gilaadeu gi maatagu gi saavini gi hulo;
13 Tagi Maolunga, gi laumalie doo hagaamua i hiidinga o oo mmahi;