1 Tagi Maolunga, au e hagahi adu goe; hagamoolau humai balea mai au.
2 Dagu dalodalo gi bei mee maanongi e dudu laa i oo mada i mua,
3 Tagi Maolunga, dagidiiloo mai agu muna e tala i dogu ngudu;
4 Koe gi dee dugua mai au gi lodo e hai de mee dee heohi,
5 De hagaili a tangada heohi au, e bei donu dono abodonu mai;
6 Olaadeu dagi gu tili iho i de hadi aho,
7 Omaadeu ivi gu maoha saele i gaogao denga daanunga,
8 Aagai luoogu mada e daumada goe Tagi Maolunga, dogu Ia Aamua;
9 Hagaola ina mai au i sele a dangada gu dugu e dada ai au,
10 Haia de gau baubau gi too ange gi lodo alaadeu sele gu hagadabena mai gi de au,