1 De Maadua, de ia aagu e tuhi,
2 De gau baubau ma de hadu muna gu hagabaubau au;
3 Gilaadeu e duuli au i alaadeu muna hagabaubau,
4 Gilaadeu e sui mai dogu aloha i de hagabaubau au;
5 Gilaadeu e sui mai dagu danuaa ne hai i de baubau,
6 Hilia ange dahi dangada baubau gi hai baasi ange gi de ia,
7 De masavaa e hagamodu ai ono muna, gai hagabuu ina ange saalaa gi de ia;
8 Gi sogoisi ono laangi e mouli ai;
9 Ana dama gi deai olaadeu damana,
10 Ana dama gi silivaahea saele, gi dangidangi i alaadeu gai;
11 Tangada oona e muli ange aagena gi gaavee ono goloa alodahi;
12 Gai gi deai e abodonu ange gi de ia,
13 Dono aamuli gi odi i de maakau;
14 Tagi Maolunga gi dee ngalo donu baubau o ono maadua,
15 Olaadeu haisala gi daakodo donu huu
16 Go hiidinga ia tee maanadu de hai hegau i de abodonu,
17 Ia e lodo mmao e basa hagamalaia dangada —
18 De hagamalaia e saabini ia, bei de malo oona e gahu ai laa,
19 De hagamalaia gi bei de malo e saabini ai laa ia,
20 Gai gi deenei de hagaoanga a Tagi Maolunga
21 Aagai koe, Tagi Maolunga, dogu Ia Aamua,
22 Au gu duasala ma de hagaaloha ogu dagodo,
23 Au gu bei de goohunga i de ahiahi gu dai lilo laa,
24 Luoogu vae gu pole i dogu hagahiigai,
25 Au gu se mee e kada ai dangada;
26 Tagi Maolunga, dogu Maadua, balea mai au;
27 Haia gi iloo e gilaadeu bolo go koe donu ne haia de hegau nei,
28 Gilaadeu gi hagamalaia ina au, aagai koe ga hagamanuuia ai au;
29 Gai gi deai se hagadubu o dangada e hagabaubau ina au,
30 Au e tuhi donu Tagi Maolunga;
31 Ia e duu i de madau e bale ange ai tangada hagaaloha,