1 Tagi Maolunga, hagalaangona dagu dalodalo;
2 Koe gi dee hagamuunia luoo mada i de au i de masavaa oogu e duasala ai.
3 Dogu mouli e moolau de odi bei dagodo o de useahi,
4 Ogu lodo e bei denga helii gu duuduu laa ma gu mmae,
5 Go hiidinga de kona dogu gonogono,
6 Au gu bei de owl lodo henua;
7 Au gu dee maua i de seni,
8 Ogu hagadaumee e hagangadi mee au mai i taiao ga boo ai;
9 Agu gai go denga mama o de gelegele,
10 go hiidinga koe gu bole mmao;
11 Ogu laangi e mouli ai gu bei de malu o de ahiahi;
12 Aagai koe, Tagi Maolunga, e hodooligi ga hano ai;
13 Koe e hidi age naa ga lodo aloha ange gi Zion;
14 Go hiidinga hadu o Zion ni mee e hagaaloha ange gi oo dangada hai hegau,
15 Denga huaahenua e maatagu naa i Tagi Maolunga,
16 Go hiidinga Tagi Maolunga e ahe ange naa ga hagaduu age Zion;
17 Ia e basa ange naa gi dalodalo a de gau hagaau aloha,
18 Siia muna nei gi daakodo ange gi denga atangada e loomai,
19 Ia e galo iho i dono mommee dabu maolunga,
20 ga hagallongo de tangi o dangada i lo te hale pono
21 Gai gilaadeu ga tala ai de ingoo o Tagi Maolunga i Zion,
22 i de masavaa o denga huaadangada ma denga hodooligi
23 Ia ne tuu mai ogu mahi i de masavaa oogu e dama daane ai,
24 Au ne hagadaba, “Dogu Maadua,
25 Koe ne hagadagodo tagelo o henua i lalo i taamada age,
26 Mee nei e llilo naa donu, aagai koe e noho ga hano ai;
27 Aagai koe go tagodo mau donu huu,
28 Dama a oo dangada hai hegau e nnoho paba naa,