1 E aha, koe e maua i de hhudi de Leviathan i dahi maadau,
2 Koe e maua i de hai dahi uga ga nnoa ai dono usu,
3 E aha, ia e duudagi naa de dangidangi adu koe gi abodonu ange?
4 De manu nei e hagaheloongoi adu naa gi goe,
5 Koe e maua i de hagadaahao madali ia bei de manu lele gu dala laa,
6 Gai de gau hagao mee e hagadau gaavange naa
7 Koe e maua i de tili gi dohu dono angaanga i denga dao,
8 Noo koe e poo ange gi de Leviathan,
9 Tilo, de tali a tangada e deai haigamaiana,
10 E deai donu se dangada mmahi e bau ange gi de hhango ange ia!
11 Goai gu gaamai dahi mee gi de au, gai au ga hagao ange ai ia?
12 Au e dee hagammuni donu dagodo o ono aalanga,
13 Goai e maua i de hagaui dono malo laa daha?
14 Goai e maua i de hhanga dono ngudu,
15 Lo tono dua e hagatau ai denga mee hungihungi ma gu kadi;
16 mee laa gu hagatau ma gu kona de hebahebaa,
17 Gai mee laa e hagadau hagamakaga;
18 Denga galo ahi e loomai i lo tono usu i de paa ai dono mahedua,
19 De ahi e ula mai i lo tono ngudu,
20 De useahi e buu mai i lodo luoono bongaa usu,
21 Dana manava e hakaa denga dalaa ubu,
22 Dono ua e kona donu de mmahi,
23 Ono kano e buni ma de makaga,
24 Dono hadu manava e makaga bei de hadu;
25 De masavaa naa huu oona e hidi age ai, gai de gau mmahi gu maatagu;
26 De gadilaasa e dau laa i de ia e deai donu mee e kii ange ai,
27 Ia e hai denga iron bei denga lau manu mmasa,
28 Tao o de mee hholu e dee maua i de hai ia gi savini gi hano i de madagu,
29 Denga laagau e bei de lau manu mmasa i ono daha,
30 Lalo dono dinae e kangi bei denga dalaa hadu,
31 De manu nei e hagabeabeau lo te moana bei de anibada e boale laa,
32 De Leviathan e hagasii honga tai i dono savini,
33 E deai donu se manu i henua i lalo
34 De manu nei e hagangadi mee denga manu mmahi alodahi;