1 De laangi laa gai Tagi Maolunga e hagaduasala naa
2 De laangi laa, gai goodou daahili
3 “Go au donu, Tagi Maolunga, e diiloo ange de veelenga laa;
4 Gai au e dee lili ai naa donu.
5 Gai noo gilaadeu e llodo e hai au go delaadeu buibui,
6 Gai Jacob e ssomo mai naa ono aga i laangi e loomai,
7 E aha, de Maadua ne hagaili laa ia,
8 Koe se hagabau donu dau alualu gilaadeu gi hulo gi dahi henua gee —
9 Deenei de hai e degi ange ai gi baubau o Jacob;
10 De aduhale buibui gu ngadi dagodo,
11 De masavaa naa huu o ono laa vaaligi e mmasa ai, gai gu hadihadi,
12 De laangi laa gai Tagi Maolunga e hili naa denga grain mai i ssaalingaa vai go Euphrates ga dae ai gi Ssaalingaa Vai o Egypt, gai goodou de gau Israel e bei naa denga grain e ogo dagidahi laa.
13 De laangi laa gai dahi hanga manu laumalie e ili naa. Gai dangada gu dai maakau laa i Assyria ma gilaadeu gu noonoodia laa ma gu gaavee gi Egypt, e loomai naa ga daumaha ange gi Tagi Maolunga i honga de mounga dabu i Jerusalem.